Búgin jalpyulttyq telekópir barysynda Elbasy Nursultan Nazarbaev Astanada jylý oqshaýlaǵysh qospalar shyǵaratyn zaýytty iske qosty. Onyń ónimi Ortalyq Azııa naryǵyna shyǵarylady dep josparlanýda.
«Qurmetti Prezıdent myrza! Polshanyń Selena kompanııasynyń búkil álemde, onyń ishinde Eýropa, Ońtústik Amerıka jáne Azııada 15 óndiristik kásiporny bar. Búgin biz Astanadaǵy zaýyt olardyń qataryndaǵy eń zamanaýı ekendigin aıryqsha maqtanyshpen aıtamyz. Bizdiń ónimimiz - úılerdiń jylýyn oqshaýlaýǵa arnalǵan zamanaýı qospalar. О́nimniń 40 paıyzy Ortalyq Azııa men Reseıge eksportqa shyǵarylatyn bolady», - dedi Selena Tobynyń prezıdenti Kshıshtof Domareskı.
Bul óndiriste qyzmet etetin 70 adamnyń basym bóligi Polshada oqyp keldi.
«Aǵymdaǵy jyly men Polshaǵa sapar jasadym. Bizdiń kelissózderimizde yntymaqtastyǵymyzdy odan ary damytý máseleleri kóterildi. Bul óte jaqsy úlgi bolarlyq jaıt. Bizdiń Úkimetimiz ben jergilikti atqarýshy organdarymyz bıznesterińizge, qurylys jumystaryńyzǵa kómek kórsetýde», - dedi Elbasy.
Sýretti túsirgen Erlan OMAROV, "Egemen Qazaqstan".