Otandyq kásipkerlerdiń tól merekesi - Indýstrııalandyrý kúnine oraı uıymdastyrylyp, Qazaqstan Respýblıkasynyń Prezıdenti Nursultan Nazarbaevtyń qatysýymen ótip jatqan Jalpyulttyq telekópir barysynda Astana-Temirtaý jolynyń 169 shaqyrymy tolyqtaı aıaqtalyp, kólik qozǵalysyna ruqsat etildi.
«Astana-Temirtaý joly birinshi tehnıkalyq sanat normatıvterimen salyndy. Onyń ótkizý qabileti táýligine 6-dan 28 myń kólikke deıin ulǵaıtyldy. Qurmetti Elbasy! Astana - Temirtaý jáne Almaty - Qapshaǵaı tas joldary iske kosylýǵa daıyn. Qozǵalysty bastaýǵa ruqsat suraımyz!» - dedi E. Qızatov.
«Aldymyzdaǵy 5 jyldyń ishinde dál osyndaı 7 myń shaqyrym jol salsaq, sonymen qatar temir joldar jelisin keńeıtsek, bul elimizge óte paıdaly ári ekonomıkany ary qaraı órkendetedi. Osynyń barlyǵy - memlekettiń atqaryp jatqan sharýasy. Sondyqtan sizder - elimiz úshin negizgi isti jasap jatqan adamdarsyzdar. Osy baǵytta bólingen qarajatty muqııat paıdalanyp, elimizde eń jaqsy joldardy salýǵa qyzmet etińizder», - dedi Prezıdent telekópirge qatysýshylarǵa. Sonymen qatar Memleket basshysy elimizdiń «Nurly jol» baǵdarlamasy qazirgi daǵdarysqa qarsy úlken joba bolyp sanalatynyn eske salyp ótti.