Qyzmet kórsetý oryndary kóbeımek

Keshe Astanadaǵy «Azııa-Park» saýda jáne oıyn-saýyq or­ta­ly­­ǵyn­da halyqqa qyzmet kórsetý orta­ly­ǵynyń ókildigi ashyldy. Oǵan Baılanys jáne aqparat mı­nıstrliginiń Memlekettik qyz­met­ter­­­di avtomattandyrýdy baqy­laý jáne halyqqa qyzmet kórsetý ortalyq­ta­rynyń qyzmetin úıles­ti­rý komıte­ti­niń tóraǵasy Baqyt Ábi­shev jáne Esil aýdany ákimi Qaırat Jańa­ber­ge­nov qatysty. Baqyt Ábi­shev ókil­dik­tiń nelikten saýda jáne oıyn-saýyq ortalyǵynda ornalas­qan­dyǵyn tú­sin­dirip berdi. «Biz bú­gin Esil aý­da­nynyń halyqqa qyzmet kórsetý or­talyǵynyń jyljymaly pýnktin ashyp otyrmyz. Bul qa­nat­qaqty joba bolyp tabylady. Mun­da azamattar qyzmettiń 60 túrin paıdalana alady. Ashylýynyń basty sebebi, memlekettik qyzmetti azamattarǵa bir taban jaqyndata túsý. Budan by­laı azamattar kóp jı­nalatyn, kóp baratyn ortalyqtarda jyl­jy­maly HQKO pýnktiniń sany arta bermek. Bul azamattardyń ýaqy­t­yn únem­deı­di ári olar «Elektrondy úki­met» tý­raly aqparattar alady. Aza­mat­tar­ǵa «E-úkimetti» qalaı qol­daný ke­rektigin úıretip, elek­tron­dy san­dyq qoltańba úlesti­ri­letin bo­lady. О́ıtkeni, qazir kópte­gen memlekettik qyzmetter avtomat­tan­dy­ry­lýda, son­dyqtan azamattar ony úıde oty­ryp-aq ǵalamtor ar­qyly alýdy úı­renýi kerek, dedi ol. Venera TÚGELBAI.