«Astana» atyn ıemdengen zeınetaqy júıesindegi jańa qor salymshylar amanatyn aqtaı ala ma?

Elimizdiń jınaqtaýshy zeınetaqy júıesine jańa ımıdjge ıe oıynshy  «Astana» jı­naq­taýshy zeınetaqy qory» AQ qosylǵanyna da kóp bola qoıǵan joq. Naryqtyń eki qatysýshysynyń birigýi nátıjesinde qurylǵan «Astana» jı­naq­taýshy zeınetaqy qory ústimizdegi jyl­dyń tamyz aıynda ǵana iske kiristi. Osyǵan qaramastan, «Eýra­zııalyq jınaqtaýshy zeınetaqy qory» AQ pen «Amanat-Qazaqstan JZQ» AQ birigýi nátıjesinde paıda bolǵan «Astana» JZQ» AQ alǵashqy aıdyń ózinde tabys­­­­­­­tylyǵy jaǵynan elimizdegi zeı­net­aqy qorlarynyń aldyna shyqqan. Bul týraly jáne ózge de eldegi zeı­net­aqy júıesindegi jańalyqtar týraly jýyrda ótken baspasóz máslıhatynda keńinen sóz boldy. Osy arada elimizde birikken zeı­netaqy qor­lary álsiz qorlardy «ju­typ» qoıǵanyn aıta ketý qajet. Bá­sekelestik ortada bul qalypty jaǵ­daı. Ýaqyt jınaqtaýshy zeınetaqy qor­laryn óz eksheýinen ótkizip jat­qa­nyna salym­shylar da kýá bolýda. Bú­ginde zeınetaqy qorlarynyń birigýi tosyn oqıǵa emes, salymshylar úshin olar­dyń qyzmetiniń ashyqtyǵy men senimdiligi kókeıkesti bolyp otyr. Degenmen, birden-aq kóshbasshylyq qaǵıdany ustanǵan jańa zeınetaqy qo­ry jumysyn ınvestısııalyq tabysty­lyq­pen bastap otyrǵany buqaralyq aqparat quraldarynyń (BAQ) ókilderi tarapynan úlken qyzyǵýshylyq týǵy­zýda. Demek, bul keleshekte salym­shy­lardyń múddesin oıatady. Qysqasy, tamyz aıynda «Astana» qoryndaǵy salymshylardyń zeınet­aqy jınaqtarynyń ınvestısııalyq kirisi (K2-12) 7,52 paıyzdy qurady. Al na­ryq­taǵy ortasha kórsetkish – 5,05 paıyz. Naryqtaǵy eki qatysýshysynyń birigýi birden-aq «Astana» qorynyń sa­lym­shylarynyń sanyn elimizdegi zeı­net­aqy júıesindegi tórtinshi orynǵa shyǵarǵan. Qazaqstan Baqylaý Komıteti málimetteri de atalmysh qor na­ryq­tyń iri qatysýshysy deńgeıine kóte­ril­genin aıǵaqtaıdy. Iаǵnı, 01.08.2011 jyl­dyń jaǵdaıy boıynsha Qordyń ak­tıvteri 128 mıllıardtan astam teń­geni, salym­shylar sany 547 myń adam­dy quraǵan. Sondaı-aq qordyń bedelin kóterip, kóshbasshylyq rólge ıe bolý úshin aksıonerler túpkilikti ózgeristerge ba­ryp otyrǵanyn aıta ketken jón. Rebredıngti júzege asyrý nátıjesinde qurylǵan «Astana» ataýy da jańa qor­ǵa úlken jaýapkershilikter júkteıdi. Elordanyń atyn ıemdengen Qor sa­lymshylardyń seniminen shyǵa ala ma? Muny keleshek kórsetedi desek te, bú­gin eńbek etip, erteń onyń zeınetin kórýge úmittenip otyrǵan salymshylar eldegi jınaqtaýshy zeınetaqy qor­la­ry­nyń barlyq áreketinen habardar bo­lyp, aqı­qatqa qurylǵan aqparlar alyp oty­rýǵa quqylary bar. Baspasóz máslıhaty kezinde «Astana» Qory Dırektorlar keńesiniń tór­aıymy, «Ortalyq Azııa Otyn-Ener­ge­tıkalyq Kompanııasy» AQ prezıdenti Gúlnara Artambaeva: – «Astana» Qorynyń strategııasyn anyqtaýdaǵy basty faktor birigý ıdeıa­sy bolǵan. Sebebi eki qordyń sa­lym­shylary bizdiń klıentterimizdiń sanyn quraıdy. Bıznestiń operasııalyq qu­­ram­dasyndaǵy eki komanda, eki tarıhı jeke baǵyt birikkendikten, bizdiń mindetimiz jańa Qorǵa sol eki qu­­ry­lym­nyń ońdy tájirıbesin, olarǵa tán eń jaqsy qasıetterdi engizip, salym­shy­­lar múddesi úshin olardy kóbeıtý bol­dy. Qarqyndy damýdyń nátıjesinde búginde «álem kartasy» deńgeıine jetip, qazaqstandyqtardyń ortaq maqta­nyshyna aınalǵan, elimizdiń jetistik fılosofııasynyń aıqyn kórinisi bo­­lyp tabylatyn elordamyz Asta­na­ny Qor­dyń sımvoly retinde aldyq, – dedi. G.Artambaevanyń aıtýynsha, biriktirilgen Qordyń rebredıngi kompa­nııa­nyń syrtqy beınesi men ataýyn óz­ger­týmen shektelmeıdi. Qorda qazirgi zamanǵy tıimdi tehnologııalyq sheshimder engizilýde. Olar salymshylarǵa qyz­met kórsetýdiń sapasyn arttyryp, senimdi áriptestik qarym-qatynas qu­rýǵa múmkindik bermek. Jýrnalısterdiń jańa qorǵa qa­tys­ty saýaldaryna túsiniktemeler bergen «Astana» JZQ Basqarma tór­aǵa­sy Andreı Karıagın: – Tamyz aıynda ınvestısııalyq tabystylyq júıesindegi eń joǵary kórsetkish – 7,5 paıyz deńgeıine kóte­ri­lý Qordyń bastapqyda tańdalǵan já­ne jan-jaqty oılastyrylǵan sapaly ın­vestısııalyq strategııasynyń logı­kalyq nátıjesi bolyp tabylady, – dedi. A.Karıagın jańa Qor asa ma­ńyz­dy máselelerge nazar aýdara otyryp, ın­vestısııalyq portfeldiń móldirligi men basqarý nátıjeleriniń barynsha turaqty bolýyn qamtamasyz etýde júıeli tá­silderdiń barlyǵyn qoldana­tyndyq­taryn atady. Sol sııaqty senimdi strategııalyq seriktestik te bul jerde úlken ról at­qar­maq. Osy turǵydan alǵanda, «Astana» JZQ» AQ «Sberbank» EB» AQ-pen biregeı strategııalyq seriktestik tý­ra­ly mámilege kelgen. Bul kelisim aıa­syn­da Qor salymshylary talaby joǵary klıentterine túrli múmkindik týǵyzyp beretin birlesken ónimderge qol jetkizbek. Atap aıtqanda, jyldyq 10 paı­yz­ben jáne 10 paıyzdyq eń tómengi sa­lym barysynda 10 jylǵa beriletin ıpoteka «Ondyqqa tıgiz!» biregeı usy­nystar paketiniń bir bólshegi bolyp tabylady. Demek, Qor salymshysy «Sberbank» EB» AQ klıentiniń kar­tasyn da qosymsha ıelene alady. – Biz úshin biregeı seriktestik jo­lymen áreket etýdiń máni zor. О́zi­miz­ben kóptegen jyldar boıy iskerlik qarym-qatynas jasap júrgen qordyń aksıoneri jáne bizdiń seriktesimiz «Ortalyq Azııa Otyn-Energetıkalyq Kom­panııasy» AQ-ty erekshe atap ót­kim keledi. Shynaıy áriptestikke negizdelgen josparlar úne­­mi strategııalyq turǵy­da toqtaýsyz ul­ǵaı­yp turýymen sıpat­talady. Osy tur­ǵydan alǵanda, bizdiń seriktesimizdiń jo­ǵary bedeli, korporatıvtik mádenıetiniń uqsastyǵy «Sber­bank» EB» AQ-tyń búkil ko­man­dasy úshin óte jaqsy úlgi bolyp otyr, – deıdi «Sberbank» EB» AQ Basqar­ma­ tóraǵasy Oleg Smırnov. Sonymen, elimizdegi zeınetaqy jú­ıesinde paıda bolǵan jańa Qordyń josparlary men keleshegin «Orta Azııa­­lyq Otyn Energetıka Kompa­nııa­sy» AQ prezıdenti Gúlnara Artambaeva qorytyndylady. – Biz úshin zeınetaqy bıznesi – uzaq merzimdi ósimniń resýrsy jáne tıimdi bıznesi bolyp tabylady, – degendi alǵa tartqan Artambaeva hanym «Astana» JZQ» AQ naryqqa uzaq merzimge jáne senimdi de salıqaly jumys isteýge kelgenin aıtady. Aınash ESALI, Almaty.