Qazaq jáne orys tilderinde jaryq kórgen jazýshynyń eńbekteri keń taralyp, aǵylshyn, nemis, bolgar, venger, cheh tilderine aýdaryldy.
2014 jyly Londonda D.Isabekovtiń «Gaýhartas jáne basqa da áńgimeler» atty povester men áńgimeler jınaǵy jaryq kórip, «О́kpek jolaýshy» pesasynyń jelisimen spektakl qoıylǵan edi.
2016 jyly Máskeýdegi «Kórkem ádebıet» baspasynda avtordyń tórt tomdyq tańdaýly shyǵarmalary basylyp shyqty.
Dýlat Isabekov tórt tomdyq jınaǵy jaıly aıta kele, keıbir shyǵarmalardy redaksııalaǵanyn málimdedi. Sondaı-aq ol buryn aýdarylmaǵan týyndylardy aýdarýǵa kómektesken aýdarmashylardyń baǵa jetpes eńbegin atap ótti.
«Osynyń arqasynda eki tom proza men eki tom dramatýrgııa jaryq kórdi. Bul meniń tórt tomdyǵymnyń Máskeýdegi tusaýkeseri. Onyń birinshi tanystyrylymy Almatyda ótti», dedi jazýshy.
D.Isabekov bolashaqtaǵy josparlarymen bólise otyryp, Londonda eńbekteriniń tusaýkeseri ótetinin habarlady.
«4 maýsym kúni Lordtar Palatasynda meniń aǵylshyn tilindegi týyndylarymnyń tusaýkeseri ótedi. Sonymen qatar, koroldik teatrda meniń pesamnyń premerasy bolady», dedi ol.
«Dýlat Isabekovtiń týyndylaryn shyǵarý týraly usynystar oqyrmandardan kelip tústi. Bul tapsyrysty Almaty oblystyq kitaphanasy usyndy», dedi G.Prıahın, tórt tomdyqtyń 3-6 maýsym aralyǵynda Máskeýdegi «Qyzyl alań» kitap festıvalinde usynylatynyn aıta otyryp.