Tájirıbeni taratý – taǵylymdy is

Nazarbaev ýnıversıtet Qazaqstannyń joǵary bilim berý salasy úshin memleketke joǵary bilim berý salasynda qazirgi ıns- tıtýttardy reformalaýǵa já­ne jańasyn qurýǵa múmkindik beretin eksperımentaldy alań. Strategııalyq mindetterdi iske asy­rýdaǵy osyndaı erekshe ról Nazarbaev ýnıversıtettiń akademııalyq erkindik, derbestik, bilim berýdi, ǵylym men óndiristi ıntegrasııalaý, halyqaralyq yntymaqtastyq sııaqty negizgi qaǵıdattarynyń arqasynda múmkin bolyp otyr. Sarapshylardyń pikiri boıynsha, ýnıversıtet aldaǵy ýaqytta bilim berýdiń ulttyq júıesiniń artyqshylyqtary men tańdaýly álemdik ǵylymı-bilim berý praktıkasyn ońtaıly úılestiretin Qazaqstannyń ulttyq brendi bolýy tıis.

Tájirıbeni taratý – turaq­ty prosess. Alaıda, mamandar men pikirdiń barynsha shoǵyr­lanýy ártúrli forýmdar men kon­­ferensııalardaǵy tyń tujy­rymdardan baıqalady. Sonyń ishindegi asa mańyzdysy, alty jyldan beri  Nazarbaev ýnıversıtet bastamashysy ári ıdeıalyq dem berýshisi bolyp tabylatyn Joǵary bilim berý kóshbasshylarynyń Eýrazııalyq forýmy.

Bıylǵy forým 31 mamyr­da ótedi. Bilim berý menedjmentine arnalǵan eki kúndik pikirsaıysqa Qazaqstannyń jeke jáne memle­kettik joǵary oqý oryndarynyń basshylary, oqytýshylar men stýdentter, ǵylymı qyzmetkerler, memlekettik organdardyń, jumys berýshi kompanııalardyń, bilim berý salasyndaǵy qaýymdastyqtar men birlestikterdiń ókilderi jáne óz ıdeıasymen, bilimimen jáne tájirıbesimen bóliskisi keletinder qatysady. Sondaı-aq, bilim berý, menedjment jáne ekonomıka salasynyń halyqaralyq sarapshylary oı bólisken.

– Tájirıbeni taratý – Nazarbaev ýnıversıtettiń bes stra­tegııalyq maqsatynyń biri, – deıdi bilim ordasyndaǵy tá­ji­­rıbeni taratý jónindegi úı­lestirýshi Mádına Aıtaqanova. – Biz óz tájirıbemizdi ortaǵa salamyz, basqa joǵary oqý oryndary ózderiniń jetistikterimen bólisedi. Ýnıversıtetimiz shańyraq kótergeli kóp bola qoıǵan joq. Biz úırený men damý ústindemiz. 2012 jyly birinshi Eýrazııalyq forýmda bizdiń mamandarymyz ýnıversıtet bólimsheleriniń qyzmeti týraly tanystyrylym jasaǵan bolatyn. Bul sodan beri dástúrge aınaldy.

Stýdentter týraly barlyq de­rekter saqtalatyn regıstrator ofısiniń, ýnıversıtettegi ekinshi orynda turǵan ǵylymı jáne zertteý qyzmeti úshin jaýapty  provost ofısiniń jumysy árdaıym úlken qyzyǵýshylyq týǵyzyp keledi. Taǵy da bir bólimshe, stý­dent­terdiń mansap jáne kásibı baǵdarlaý ortalyǵynyń aty da, zaty da ádettegiden erekshe dese bolǵandaı. Ol túlekterge alda­ǵy qyzmetin josparlaýǵa, bilim alýyn jalǵastyrýǵa, kásibı daǵ­dysyn damytýǵa keshendi qoldaý kórsetedi. Osylaısha, zamanaý­ı básekeli eńbek naryǵynda, onyń ishinde jahandyq naryqta, jumys­qa ornalasýǵa jol ashady.

Kreatıvti jumys tájirıbesimen ýnıversıtettiń stýdenttik ister boıynsha entýzıasttar komandasy bólise alady. Nazarbaev ýnı­versıtettiń maqtanyshy –  biregeı kitaphana. Ol álemdegi jetekshi aqparatty óndirýshilerdiń ǵylymı derekterine negizdelgen.  Sonymen qatar, elektrondy kitaptar jáne oqýlyqtardy «máńgilik paı­da­lanýǵa» satyp alady. Oqý pro­sesin biriktirý maqsatynda álemniń jetekshi ýnıversıtetteri tarapynan usynatyn elektrondyq oqý materıaldary men oqý kýrstary da molynan jınaqtalǵan. Kitap­hananyń materıaldyq qoryna kelsek, 150 myńnan astam baspa basylymdary, onyń ishinde 80 paıyzdan astamy aǵylshyn, 2700 aýdıo- jáne beıne materıaldarynan, mıkrofıshtar kolleksııasynan turady.

– Biz taqyryptar boıynsha suranysty qamtamasyz etip, bar múmkindikti jetkizýge tyrysamyz. О́ıtkeni, biz alǵa umtylyp, damý ústinde kele jatyrmyz. Jyl saıyn tyńdaýshylar sany óse túsýde. Al tájirıbe almasý isinde qarjylyq jaǵynan yntalandyrý da jaqsy uıymdastyrylǵan.  Nazarbaev Ýnıversıtettiń mártebesi erekshe  – derbestik jáne akademııalyq erkindikke negizdelgen. Bul bizge Bilim já­ne ǵylym mınıstrliginiń sheń­berinde qalyp qoımaı, óz baǵ­darlamamyzdy ázirleý jáne be­kitý quqyǵyn beredi. Alaıda, bul rette biz  baǵdarlamalyq já­ne ınstıtýsıonaldyq akkredıtasııa alý úshin akademııalyq sapa talap­taryn saqtaýǵa tıistimiz. Budan basqa Bolon prosesiniń qaǵı­dalaryn da ustanamyz. Tutastaı alǵanda, jetekshi ýnıversıtettermen áriptestik modelimiz tańdaýly álemdik tájirıbeni tikeleı zerdeleý, ony ózimizge beıimdeý jáne odan keıin qazaqstandyq joǵa­ry oqý oryndaryna usyný múm- k­in­di­gin beredi, – deıdi Mádına Aıtaqanova.

Súleımen MÁMET, «Egemen Qazaqstan»