«Meniń ákem Temirhan qarapaıym sharýa adamy bolǵan. «Baıdyń qyzyna úılendi» degen aıyppen Sibirge, Taımyr túbegine otbasymen birge jer aýdaryldy. Meniń joldasym Seıitqalı Bájikenov te ákemmen birge 10 jyl abaqtyda birge otyrdy. Bolashaq jarymmen sol jaqta tanystym. Elge tek 1956 jyly oraldyq. Joldasym egemendik alǵan tusta ǵana aqtaldy. Ol kisi osydan 13 jyl buryn ómirden ozdy. Biz kórgen qıyndyqty eshkimge bermesin», dedi kezdesýde seksenniń seńgirine shyqqan Ásıpa Bájikenova.
Sonymen qatar, búgin Sársen Amanjolov atyndaǵy memlekettik ýnıversıtette «Tarıhtan taǵylym – ótkenge taǵzym» atty dóńgelek ústel ótti. Sharaǵa qaladaǵy qoǵamdyq uıymdar, etnomádenı birlestikterdiń ókilderi, tarıhshylar, aqsaqaldar, jastar men saıası qýǵyn-súrgin qurbandarynyń urpaqtary qatysyp, oılaryn ortaǵa saldy. О́skemen qalalyq ishki saıasat bóliminiń basshysy Erbolat Oshaqbaev dóńgelek ústelge kelgen jurtshylyqqa qala ákimi Qýat Tumabaevtyń atynan alǵys bildirdi. Basqosý barysynda shyǵysqazaqstandyq saıası-qýǵyn súrgin qurbandaryna qatysty sońǵy jyldary tabylǵan derekterdi jınaqtap, kitap shyǵarý, derekti fılm túsirý jóninde usynystar aıtyldy.
Azamat QASYM, «Egemen Qazaqstan»
О́SKEMEN
Sýretti túsirgen: Esimhan ORYNBAEV