Bul týraly Pavlodar oblysy kásipkerler palatasy О́ńirlik keńesiniń keńeıtilgen otyrysynda «Atameken» UKP Tóralqa Tóraǵasy Tımýr Qulybaev habarlady, dep jazady palata.kz.
«Ár óńirdiń aımaqqa tán artyqshylyqtaryn qamtıtyn, ótkizý naryǵy men logıstıkalyq múmkindikti eskeretin kásipkerlikti damytýdyń biregeı kartasy jasalǵany abzal. Kásipkerlikti damytýdyń óńirlik kartasynda óńirdiń iri jáne orta kompanııalary týraly aqparat, jergilikti mamandanýǵa sáıkes jobalar men bıznes-bastamalar engizilýi kerek», – dedi Tımýr Qulybaev.
Sonymen qatar Tóralqa Tóraǵasy týrızm salasynyń basqasha baǵytta damýy qajet ekenin aıtty.
«Pavlodar oblysy terrıtorııasynda arnaıy ekonomıkalyq aımaq, Ekibastuzda ındýstrııalyq aımaq bar. Bul aımaqta damýdyń áleýeti aıtarlyqtaı zor, sonyń biri – týrızm salasy. Baıanaýyl da kásipkerlikti damytýdyń óńirlik kartasyna enedi dep oılaımyn. Sondyqtan bul aımaqta týrısterge usynylatyn jol baǵyttary boıynsha ınfraqurylym jelilerin tartý qajet. Baıanaýyl – Qazaqstannyń jaýhary, tarıhı oryndary bar biregeı ólke, ony tabıǵı qalpynda saqtap qalý úshin týrızmniń basqasha sapasyn damytý qajet», – dedi Tımýr Qulybaev.
Tóralqa Tóraǵasynyń aıtýynsha týrızm – osy oblys terrıtorııasynda damytýda múmkindigi negizgi draıver.
«Týrızm salasy álemde jaqsy damyǵan sala, ony elimizde damytýǵa kúsh salý kerek. О́ńirlik damytý kartasyn qurý qajettiligin aıtqanda onda óńirdiń barlyq tabıǵı basymdyqtaryn qamtý kózdelgen edi», – dedi Tımýr Qulybaev.
О́z kezeginde óńir basshysy Bolat Bakýov Pavlodar oblysynda týrıstik salany damytýdyń Sheberlik-jospar daıyndalyp, bekitilgenin habarlady.
Oblys aýmaǵynda «Qyzyl-Taý» memlekettik zoologııalyq qoryǵymen Baıanaýyl ulttyq tabıǵı saıabaǵy, Qazaqstannyń biregeı saıyqtyrý orny sanalatyn «Moıyldy» shıpajaıy, Ertiz ózeniniń alqaby bar, sonymen qatar kóptegen tabıǵı, tarıhı, arheologııalyq, mádenı jáne etnıkalyq eskertkishter saqtalǵan. Bul aımaqta 91 týrıstik kompanııa tirkelgen, onyń ishindegi 82 kompanııa týragenttik qyzmetti júzege asyryp otyrsa, 9 kompanııa – týrıstik operator.
EKSPO–2017 kórmesiniń qarsańynda «Astana EKSPO-2017» Ulttyq kompanııasy «Saıat-Pavlodar» men «Pıat Zvezd» kompanııalarymen yntymaqtastyq jónindegi memorandýmǵa qol qoıdy. Bul týrıstik fırmalar oblys boıynsha 5 marshrýtty daıyndady.
Jumys sapary barysynda «Atameken» UKP Tóralqa Tóraǵasy Pavlodar munaı-hımııa zaýytyn modernızasııalaý jobasymen tanysyp, S.Toraıǵyrov atyndaǵy Pavlodar memlekettik ýnıversıtetiniń bazasynda qurylǵan Startap akademııasyna da at basyn burdy.