Dálenovtyń aıtýynsha, eń kóp jalaqy alatyn óńirler Atyraý men Mańǵystaý oblystary (250 teńgeden astam). Al eń tómengi jalaqy alatyn óńirler SQO men Jambyl oblystary (100 myń teńgeden az).
Kásip túri boıynsha, eń kóp jalaqy ushqyshtarda, munaıshylar men shahter jáne qurylysshylarda. Eń az jalaqy muǵalim, medbıke, zootehnık pen balabaqsha tárbıeshilerinde.
"Jalpy jaldamaly jumyskerlerdiń 1/3-i aıyna 100 myń teńgeden kóp alady. Al 100 adamǵa deıin jumys isteıtin shaǵyn mekelerdegi qyzmetkerler ortasha eseppen aıyna 134 myń teńge alady", - deıdi mınıstr orynbasary.
Onyń aıtýynsha, Qazaqstanda qazir 13 mln eresek adamnyń 9 mln-y eńbekke qabiletti jandar. Sonyń ishinde 70,5%-y jaldamaly jumyskerler bolsa, 24,5%-y ózin ózi jumyspen qamtýshylar, qalǵan 5%-y jumyssyz.
Mınıstr orynbasarynyń málimetinshe, respýblıkadaǵy jumyskerlerdiń 63,2%-y qyzmet kórsetý salasynda, 20,6%-y ónerkásip pen qurylysta, 16,2%-y aýyl sharýashylyǵynda.