Úkimettiń keńeıtilgen otyrysynda Memleket basshysy Qasym-Jomart Toqaev agroónerkásip keshenin qoldaý sharalary qordalanǵan máselelerdi sheshý úshin emes, tek osy saladaǵy jalpy ónimdi arttyrý úshin qabyldanyp jatyr deýge bolatynyn aıtty, dep jazady Egemen.kz.
Prezıdent Úkimet bul sheshimdi ýaqytsha shara dep túsindirgenin, biraq ýaqytsha dep bastalǵan shara ádettegideı turaqty sıpatqa ıe bolyp ketpeýi kerektigin aıtty.
«Atqarýshy bılik buǵan tosqaýyl qoıý úshin negizinen ákimshilik sharalarǵa júginedi. Úkimet osyǵan deıin áleýmettik mańyzy bar azyq-túlik baǵasyn tikeleı retteýden bas tartatyny týraly aıtty. Soǵan qaramastan, mundaı taýarlar sany 19-dan 31-ge deıin kóbeıdi.
Aýyl sharýashylyǵy ónimderiniń eksportyna da naryqqa qaıshy shekteýler qoıylǵan. Sheshimdi qabyldar aldynda onyń saldary qandaı bolatynyn eshkim oılamaıdy. Ne sebepti bulaı jasalyp jatqanyn túsiný qıyn emes. Sebebi naryqty damytqannan góri oǵan shekteý qoıý – áldeqaıda ońaı. Mundaı áreketti toqtatý kerek. Úkimet bıznes qaýymdastyǵymen birlese otyryp, tamaq ónerkásibin damytýǵa qatysty júıeli sharalar qabyldaýǵa tıis», dedi Prezıdent.
Prezıdent memleket pen jeke seriktestikti belsendi paıdalanýdy tapsyrdy
Memleket basshysy elimizde mal sharýashylyǵyn damytýǵa mol múmkindik bar ekenin, biraq biz osy áleýetimizdi durys paıdalanbaı otyrǵanymyzdy atap ótti.
«Mal sharýashylyǵynyń damý strategııasy da, qarqyny da mardymsyz, túsiniksiz, keshendi júıe joq. Bul salada sheshimin tappaı turǵan másele kóp. О́nimderdiń basym bóligi jeke qosalqy sharýashylyqtarda jáne sharýa qojalyqtarynda óndiriledi. Ettiń 60 paıyzy, súttiń 80 paıyzy – solardyń enshisinde. Bul jaǵdaı ónimdilikti arttyrýǵa kedergi bolyp otyr.
Elimizde jem-shóp qoryn daıarlaýdan bastap, ónimdi óńdeý, jetkizý, satý úderisi birtutas júıe retinde jolǵa qoıylmaǵan. Basqasha aıtsaq, osynyń bárin basqarýdyń biryńǵaı júıesi joq. О́kinishke qaraı, 2026 jyly osyndaı máseleler týraly aıtýǵa májbúr bolyp otyrmyz. Bıyl Mal sharýashylyǵyn damytý jospary jasaldy. Bul qujat osy saladaǵy olqylyqtardy joıyp, onyń damýyna jol ashýǵa tıis. Endi aqyry ne bolatynyn kóremiz.
Men Joldaýymda jáne «Turkistan» gazetine bergen suhbatymda shaǵyn sharýashylyqtardy kooperasııaǵa biriktirý qajettigin aıttym. Bul jerde sheteldik tájirıbeni úlgi retinde alýǵa bolady. Mysaly, Nıderlandynyń júıesin alsaq, onda sharýalar kooperasııasynyń naqty ári birizdi júıesi bar. Sonyń arqasynda olar quny 130 mıllıard dollar bolatyn aýyl sharýashylyǵy ónimderin eksporttap otyr. Sharýalardy jańa úlgidegi kooperatıv qurýǵa yntalandyrý kerek. Ol úshin Úkimet batyl sharalar qabyldaýǵa tıis. 1 qyrkúıekke deıin Aýyl sharýashylyǵy kooperasııasy týraly jańa zań daıyndaýy qajet», dedi Memleket basshysy.
Qasym-Jomart Toqaev: Alataý qalasy jańa ınvestısııalyq kezeńniń negizgi jobasy bolýǵa tıis
Prezıdenttiń aıtýynsha sharýalardy memlekettik qoldaý júıesi barynsha ashyq bolýy kerek. Qazir bul júıeniń kúmándi, kóleńkeli tustary kóp.
«Úkimet jyl sońyna deıin aqparattyq júıelerdi kiriktirý jumysyn aıaqtaýǵa tıis. Bul qadam sýbsıdııalaý úderisin sıfrlandyryp, sharýalardyń mindettemelerin baqylaýǵa alýǵa múmkindik beredi.
Mal sharýashylyǵyn turaqty damytý úshin veterınarlyq qaýipsizdik júıesi sapaly bolýǵa tıis. Ashyǵyn aıtqanda, Qazaqstanda bul sala kenjelep tur. Elimizdegi 168 zerthananyń jıyrma jetisi ǵana halyqaralyq standartqa saı keledi. Mal dárigerleriniń jumysy tolyq baqylaýǵa alynbaǵan. Sońǵy úsh jylda malǵa ekpe saldyq dep 30 myń jalǵan qujat jasaldy.
Bul salany birjola tártipke keltirý qajet. Úkimet veterınarııa salasyn damytýdyń keshendi baǵdarlamasyn úsh aıdyń ishinde qabyldaýǵa tıis», dedi Prezıdent.
Prezıdent: Jańa ári sapaly ınvestısııa tartýǵa arnalǵan birtutas strategııa qajet