Qasym-Jomart Toqaev Úkimettiń keńeıtilgen otyrysynda qarjy júıesin uzaq merzimdi kapıtal kózderi arqyly nyǵaıtýdyń mańyzyn atap, saqtandyrý jáne qundy qaǵazdar naryǵyn damytýdy strategııalyq mindet retinde belgiledi. Memleket basshysynyń aıtýynsha, álemdik tájirıbede banktermen qatar dál osy salalar ekonomıkanyń turaqty ósýine qyzmet etedi, dep jazady Egemen.kz,
Prezıdent otandyq qarjy júıesindegi saqtandyrý sektorynyń úlesi nebári 5 paıyzdy quraıtynyn aıtyp, mundaı jaǵdaımen kelisýge bolmaıtynyn qadap aıtty. Onyń sózinshe, saqtandyrý naryǵy áleýetin tolyq paıdalaný úshin sıfrlyq tehnologııalardy keńinen engizý qajet.
Memleket basshysy saqtandyrý ónimderiniń túrin kóbeıtip, olardyń qoljetimdiligin arttyrý máselesine erekshe toqtaldy. Bul baǵytta saqtandyrý naryǵyn memleket, azamattar jáne bıznes arasyndaǵy yqtımal táýekelderge ortaq jaýapkershilik mádenıetin qalyptastyratyn mańyzdy ınstıtýt retinde qarastyrý usynyldy.
Prezıdent Úkimetke jyl sońyna deıin Áleýmettik medısınalyq saqtandyrý qorynyń jumysyn tolyq sıfrlandyrýdy tapsyrdy
Prezıdent damyǵan elderdiń tájirıbesine súıene otyryp, mindetti saqtandyrý túrlerin kóbeıtý qajettigin aıtty. Onyń pikirinshe, bankter men saqtandyrý kompanııalary uzaq merzimdi qor jınaýdy kúsheıtse, bul qundy qaǵazdar naryǵynyń damýyna da tyń serpin beredi.
«Qundy qaǵazdardyń damyǵan naryǵy – makroekonomıkalyq turaqtylyqtyń mańyzdy kórsetkishi. Al onyń aýqymy ınvestorlardyń senim deńgeıi qandaı ekenin bildiredi», dedi Memleket basshysy.
Prezıdent: Aımaqtar ekonomıkasynda sheshimin tappaǵan máseleler áli de bar
Osyǵan baılanysty Prezıdent Qarjy naryǵyn retteý jáne damytý agenttigi men Ulttyq bankke 1 qyrkúıekke deıin saqtandyrý jáne qor naryǵyn damytýdyń 2030 jylǵa deıingi baǵdarlamasyn ázirleýdi tapsyrdy. Prezıdent bul baǵdarlamany tıimdi iske asyrý úshin saqtandyrý jáne qundy qaǵazdar salasyna qatysty jańa zańdar qabyldaý qajet ekenin atap ótti.
Toqaev: Dúnıe júzindegi ekonomıkalyq ahýalǵa qaramastan, byltyr ekonomıkamyz 6,5%-ǵa ósti
Memleket basshysy atalǵan qadamdar qarjy naryǵynyń turaqtylyǵyn arttyryp, ınvestorlar senimin kúsheıtýge jáne ulttyq ekonomıkanyń uzaq merzimdi damýyna negiz bolatynyn jetkizdi.