EHRO halyqaralyq kórmesi ótetin toqsan úsh kúnniń ishinde bas-aıaǵy 2,5 myńǵa jýyq is-shara uıymdastyrylady. Sonyń biri – Lıýksmebýrg uly gersogtigi kúni.
EHRO aýmaǵy qazir pikirtalas ortalyǵy nemese jetistikter jármeńkesi ǵana emes, nasıhat tóri sekildenip tur. Ár el – óz tabysynyń jarnamashysy. Qazaqstan men Lıýksembýrg uly gersogtiginiń Týlary kóterilip, Ánurandary oınalǵan soń sóz alǵan Lıýksembrýg úkimet basshynyń orynbasary Eten Shnaıder óz eliniń ozyq tehnologııasyn nasıhattady.
"Jańartylatyn, balamaly qýat kózderin izdeýge múmkindik beretin «Astana EKSPO-2017» bizdiń maqsatpen úndes eken. Balamaly energııany nasıhattap júrgen elden úırenerimiz de kóp, baılanys ornatýǵa degen qulshynys ta erekshe. Qazaqstan kórmeni joǵary deńgeıde uıymdastyrdy. Buǵan da kýá boldyq", dedi Lıýksembýrg premer-mınıstriniń orynbasary Eten Shnaıder.