Ońtústikqazaqstandyq delegasııa eń aldymen kún kózinen qýat alatyn «Býrnoe Solar-1» stansııasynda boldy. Jobaǵa salynǵan jalpy ınvestısııa quny 122 mln. AQSh dollaryn quraıdy. Ortalyq Azııadaǵy eń iri stansııa qurylysyn «Samuryq-Qazyna Invest» JShS-i brıtandyq UG Energy Limited kompanııasymen birge júrgizgen, dep habarlaıdy OQO ákimdiginiń resmı saıty.
Sapar barysynda tústik óńirden barǵan qonaqtar Taraz qalasynan 12 shaqyrym qashyqtyqta ornalasqan Aısha bıbi kesenesine aıaldady. Bul tarıhı oryn ortaǵasyrlyq sáýlet eskertkishteriniń biri. Bizdiń kúnge kıelim orynnyń tek batys bólshegi saqtalǵan. Kesene 60 túrli oıý-órnekteri bar epıgrafıkalyq beldeýmen jasalǵan.
Janseıit Qanseıituly bastaǵan bir top depýtattar budan bólek «Qarahan» kesenesi men «Keńeshan qajy» meshitinde boldy. Al «Qazaq handyǵyna 550 jyl» monýmenti mańynda Áýlıeata óńiriniń zııalylyrymen tildesti. Kóne shahar tórinde Kereı men Jánibek hannyń beıneleri menmuńdalap tur.
Jumys sapary barysynda delegasııa músheleri «Taraz-Arena» sport kesheninde boldy. Olımpıadalyq jetkinshekterdi daıarlaıtyn «Atletık» oqý-jattyǵý kesheniniń jumysymen de tanysty. Biregeı sport keshenderi salaýatty ómir saltyn nasıhattaý jáne ár túrli jastaǵy turǵyndardy áýesqoı jáne kásipqoı sport túrlerimen aınalysýǵa jappaı jumyldyrý maqsatynda soǵylǵan.
Sondaı-aq, Ońtústikten kelgen delegasııa mıneraldy tyńaıtqyshtar óndiretin «Kazfosfat» JShS-niń jumysymen tanysty. Kásiporyn óz jumysyn mıneraldy tyńaıtqyshtardy, sary fosfor men onyń týyndy ónimderin ótkerý naryǵyn qaıta qalpyna keltirýden bastaǵan. Seriktestik taǵamdyq ortofosfor qyshqyly, baıaý gıdrattalýshy natrıı úshpolıfosfaty sııaqty jańa ónim túrlerin shyǵarady. О́nimniń 95 paıyzyn shet elge eksporttaıdy.
Sapar barysynda oblys ákimi Janseıit Túımebaev jańadan ashylǵan Jambyl Jabaev atyndaǵy «Rýhanııat» rýhanı damytý ortalyǵynda boldy. Ortalyqtyń birinshi qabatynda ornalasqan ekspozısııamen tanysty. «Bul ortalyq Jambyl oblysynyń tanymal qaıratkerleriniń tarıhyn, júrgen joldaryn zertteı otyryp, rýhanı damýdy kózdeıdi. Áýlıeata jerine jasaǵan saparyn Rýhanı ortalyqta qorytyndylaǵan aımaq basshysy Uly Jibek saýda jolynda sozylǵan kóne shahar kún sanap kórkeıip kele jatqanyn atap ótti. Munan soń, Rýhanı ortalyqtaǵy estelik kitapshaǵa qoljazbasyn qaldyrdy.