Bilezik, qudaǵı júzik, óńirjıek, torsyq... Qazaqtyń ulttyq buıymdarynyń úlkeıtilgen formasy ádemi úılesim tapqan. Tipti, úlken ekrandardyń jıektemeleriniń ózi qandaı keremet?
Osy forýmǵa kirýge múmkindik beretin beıdjder qolymyzǵa tıgennen-aq súısinip edik. «Bir japyraq» qaǵazdyń ózi ulttyq oıýmen bezendirilgen. О́zimiz ǵana emes, 3 myńǵa jýyq shet el delegaty qatysatyn aýqymdy halyqaralyq sharanyń ulttyq naqyshqa aıryqsha mán bergenine qýandyq.
Osylaısha uıymdastyrýshylar otandyq kompanııalardyń kómegimen onynyshy Astana ekonomıkalyq forýmyn ulttyq naqyshta bezendirgen eken.
Tet-a-tet alańdaryndaǵy, holldaǵy otyratyn dıvandardyń bári ulttyq naqyshtaǵy jabyndarmen jabylǵan. Birneshe zalda tanymal sýretshilerdiń etno, tarıhı taqyryptardaǵy kartınalary da ilinipti.
Árıne, bárekeldi degennen basqa aıtarymyz joq. Elimizde ótetetin halyqaralyq sharalardyń bári osydan úlgi alsa degen nıettemiz. «Teatr kıim ilgishten bastalady» demekshi, ár nárse kishkentaı dúnıeden bastalady. Qazaqty tanytý, qazaqty moıyndatý aldymen ulttyq bolmysymyzdy dáripteýmen qundy.
Ádette forýmǵa jınalǵan sheteldikterdiń ýaqyty tyǵyz bolady. Qala aralaýǵa, múzeılerge barýǵa ýaqyt tappaıdy. 2 kúndik osyndaı sharanyń arqasynda qonaqtar qazaqtyń dástúrimen, qolónerimen tanysýǵa múmkindik alýda.
Dınara Bitikova,
«Egemen Qazaqstan».
Sýretterdi túsirgen Erlan Omarov,
"Egemen Qazaqstan"