Ýkraına jasyl energetıkanyń damýyna úles qosýda

«Búginde jasyl energııaǵa, jańartylatyn kún energııasyna tarıf 15-16 sentti quraıdy, bul baǵa 2020 nemese 2021 jyly ınvestısııanyń quıylýyna tikeleı baılanysty. Jasyl ener­­getıkany qoldaýǵa ba­ǵyttal­ǵan mundaı tarıf basqa esh­qan­daı elde joq», degen mınıstr Ýkraınanyń balamaly ener­gııa kózderin engizip, jel men kúndi belsendi qoldanyp, ınves­tısııalyq bızneske jaıly jaǵdaı jasaý úshin reformalar júrgizip jatqanyn jetkizdi. Sonymen qatar, qazirgi tańda energııa úshin kúnniń basty reaktor ekenin jáne ony tıimdi qoldaný kerektigin aıtty. G.Zýbkonyń pikirinshe, Ýk­raınamen birge, Qazaqstanda jáne kórmege qatysýshy barlyq memlekette úlken tájirıbe bar. Zamanaýı tehnologııalar bir gektar jerden energııa ón­dirý múmkindikterin artty­rýda. Ár bes jyl saıyn eki ese kóp energııa alynýda. Bul – bizdiń bolashaq urpaqqa qal­dy­ryp ketetin qýatymyz. Alaı­da, energııany tıimsiz qoldanǵan­dy­ǵymyzdan ǵalamsharymyz jyl­dan-jylǵa ózgeriske ushyraýda. Sondyqtan, keler urpaq al­dyn­daǵy jaýapkershilikti moı­nymyzǵa alýymyz qajet Ýkraınalyq seksııa komıssary elindegi astyq eksporty shamamen 40 mıllıon tonnany quraıtynyna, mundaı aýqymdy astyq kóleminen de energııa óndirýge bolatynyna toqtaldy. «Qazirgi ýaqytta tek eksporttalatyn astyq kólemi 39 mıllıon tonna bolsa, jalpy óndiris kólemi odan da kóp. Onyń qal­dyqtarynan bıogaz óndirýge jáne ony energetıkadaǵy keıin­gi qoldanylýyna jumsaýǵa múm­kindik bar. Jáne jel energetıkasyna qatysty Qazaqstanmen birlesken kooperasııa úlgisi buryn-sońdy qoldanylmaǵan energııanyń qanshalyqty tıimdi bolatynyn kórsetti», – dedi G.Zýbko. Basqosýda Energetıka vıse-mınıstri Baqytjan Jaq­sa­lıev ýkraınalyq mamandardyń ǵalamshar ekojúıesin saqtaýǵa jáne jasyl energetıkanyń da­mýyna úles qosýǵa daıyn eke­ni qýantatynyn aıtty. «Biz As­tananyń kún, jel, bıogaz, teńiz jáne jyly sýlardyń energııasyn qoldaný salasyndaǵy úzdik álemdik jańalyqtar men trend­terdi tanystyratyn tıimdi alańǵa aınalaryna senimdimiz. Qa­zaqstan úshin Ýkraına – ma­ńyzdy ekonomıkalyq seriktes. Biz eki el arasyndaǵy tyǵyz qa­rym-qatynas pen ózara túsinis­tiktiń joǵary deńgeıin bıik ba­ǵa­laımyz», dedi vıse-mınıstr. О́tken sandarymyzdyń bi­rinde ýkraınalyq sheberler EKSPO-2017 kórmesi úshin uzyndyǵy 30 metr bolatyn rekordty súlgi ákelgenin ja­rııalaǵanbyz. Qolóner buıy­mynda sol memlekettiń árbir óńirine tán alýan túrli ór­nekter beınelengen. Halyq­aralyq sharadan soń bul týyndy Qazaqstandaǵy Ýkraına elshiligine tabystalmaq. EKSPO-2017 kórmesindegi Ýkraına ekspozısııasy «Ji­bek joly» plazasynyń qura­mynda ornalasqan. Onda Ýk­raı­nanyń ınnovasııalyq jel jáne kún generatorlary, energııa únemdeıtin úı, elektr óndi­retin perdesheler jáne ózge de jańalyqtary qoıylǵan.

Ashat RAIQUL, «Egemen Qazaqstan»