Sessııaǵa tóraǵalyq etken Batys Qazaqstan oblysynyń ákimi, oblystyq Qazaqstan halqy Assambleıasynyń tóraǵasy Altaı Kólginov elimizde ulttyq birlikti nyǵaıtý úshin jasalyp jatqan sharalar jóninde baıandama jasady. «Búgingi ómir búgin bizge jańa mindetterdi júktep otyr, biraq yntymaqta, úılesimde ómir súrý – qaı kezde de kún tártibinen túspeıtin mańyzdy talap», − dedi Altaı Seıdiruly. О́ńir basshysy «100 jańa esim» bastamasy boıynsha aımaqtyń óz tizimi bolýy kerek degen ıdeıany kóterdi. Sonymen birge, «Rýhanı jańǵyrý» baǵdarlamasy boıynsha 3 baǵytta jumys júrgiziletinin, ólketaný, ınfraqurylymdardy damytý jáne týǵan jerine qoldaý bildiretin mesenattardy qoldaý qajettigin basa aıtty. О́ziniń týǵan jeri – Saryqudyq aýylynda ambýlatorııa ǵımaratyn óz qarjysyna salyp bergen kásipker, «Darhan» sharýa qojalyǵynyń jetekshisi Nurlybaı Joldybaıulyn mysalǵa keltirip, «Biz mundaı patrıot jerlesterimizdi qoldap, arnaıy marapattap otyrýymyz kerek. Sondyqtan «О́ńirdiń damýyna úles qosqany úshin» degen arnaıy belgi jóninde ereje bekitýdi usynamyn», dedi oblys ákimi. Sessııa minberinde Batys Qazaqstan oblystyq Qoǵamdyq kelisim keńesi tóraǵasynyń orynbasary, V shaqyrylǵan Qazaqstan Respýblıkasy Parlamenti Májilisiniń depýtaty Vıktor Kııanskıı, Jańaqala aýdandyq Qoǵamdyq kelisim keńesiniń tóraǵasy, aýdandyq máslıhat hatshysy Zakarııa Sısenǵalı, Bórli aýdandyq koreı etnomádenı birlestiginiń tóraǵasy, shyǵys medısına dárigeri Vıtalıı An, «Batys Qazaqstan oblysynyń Azamattyq alıansy» zańdy tulǵalar birlestiginiń tóraǵasy Aıgúl Túrkına, taǵy basqalar sóz sóıledi. Sessııa barysynda kóńil tolqytarlyq bir sát – Bórli aýdandyq koreı etnomádenı birlestiginiń tóraǵasy Vıtalıı Konstantınovıchtiń «Qazaq jerine taǵdyr aıdap kelgen san ultty jatsynbaı baýyryna basyp, barymen bólisken, teń atanyń ulyndaı qabyldaǵan qazaq halqyna basymdy ıip, tizemdi búgemin!» − dep kóptiń aldynda tize búkkeni boldy. Sessııa sońynda delegattar Qazaqstan Respýblıkasynyń Prezıdenti, Qazaqstan halqy Assambleıasynyń Tóraǵasy N.Á.Nazarbaevtyń HHV sessııada qoıǵan tapsyrmalaryn júzege asyrý, muny Batys Qazaqstan oblysy aýdandary men Oral qalasynyń ákimine mindetteý týraly sheshim aldy. Sonymen birge, Batys Qazaqstan oblysy Qazaqstan halqy Assambleıasynyń 2025 jylǵa deıingi damý tujyrymdamasy qabyldandy.
Qazbek QUTTYMURATULY «Egemen Qazaqstan»
RAL