Áleýmettik medısınalyq saqtandyrý jaıy túsindirildi

«Nur Otan» partııasy arqyly turǵyndarǵa MÁMS júıesin engizý boıynsha túsindirý jumystaryn ótkizý, halyqtyń quqyqtyq, aqparattyq saýattylyǵyn arttyrý, sondaı-aq, áleýmettik qarama-qaıshylyqtardy sheshý, onyń aldyn alý maqsatynda uıymdastyrylǵan sharada Májilis depýtaty Záýresh Amanjolova, Densaýlyq saqtaý vıse-mınıstri Lázzat Aqtaeva, Eńbek jáne halyqty áleýmettik qorǵaý mınıstrliginiń, «Atameken» ulttyq kásipkerler palatasynyń ókilderi bas qosty. Alqaly májilis beınekonferensııa pishiminde ótti. Oǵan elimizdiń 16 óńirin esepke alǵanda 200-den astam adam  qatysty. Kezdesý barysynda áleýmettik medısı­nalyq saqtandyrý qory jarnasyn tóleýden azamattardyń 15 sanaty, ıaǵnı halyqtyń áleýmettik az qamtylǵan toby bosatylatyny aıtyldy. Olardyń qataryna balalar, buryn «Batyr Ana» ataǵyn alǵandar, «Al­tyn alqa», «Kúmis alqa» ıegerleri, son­daı-aq I jáne II dárejeli «Analyq dańq» ordenimen marapattalǵan kóp balaly analar, Uly Otan soǵysy ardagerleri men múgedekteri, múgedekter jáne basqa da sanat­taǵy jandar kiredi. – Jospar boıynsha bul baǵdarlamamen eń birinshi medısına salasynyń qyzmet­ker­lerin, ekinshiden, jumys berýshi tulǵa­lar­dyń negizgi mindetterin jan-jaqty tú­sin­dirýden bastadyq. Árbir adam HQO-ǵa baryp, qaı statýsqa jatatynyn bilgeni jón. Áleý­mettik jaǵdaıy boıynsha, jumys­syz bolsa, tirkelip, arnaıy qujat alýdy tıis, – dedi Májilis depýtaty Záýresh Aman­jo­lova. Búginde  árbir qazaqstandyq 2018 jyl­dyń 1 qańtaryna deıin áleýmettik medı­sınalyq saqtandyrý  júıesindegi óz már­tebesin  belgilep alýy kerek. Sol kezde qıyn­dyqqa tap bolǵan jaǵdaıda kimniń kó­megine birinshi júgine alatyndyǵy belgili bo­lady.   – Osy jyldyń 1 shildesinen bastap medısınalyq saqtandyrý júıesi iske qosylatyny, onyń qyr-syry jaıly buqara halyqtyń basym bóligi habarsyz ekeni belgili boldy. Osyǵan baılanysty «Nur Otan» partııasynyń bastamasymen halyqqa túsindirý boıynsha 45 myńnan astam jıyn ótkizdik. Oǵan 3 mıllıonnan astam halyq qatysty. Sonymen qatar, arnaıy kitapshalar da shyǵardyq, – dedi Respýblıkalyq qoǵamdyq qabyldaý bólmesiniń meńgerýshisi Jumajan Júkenov.