Astanalyq Ishki ister departamentiniń qyzmettik avtokólikteriniń sany Qazaqstanda qurastyrylǵan 94 kólikke tolyqty. Avtokólikter sıgnaldy-daýys zoraıtqysh qurylǵylarmen, radıostansııalarmen, beıne tirkegish jáne basqa da zamanaýı tehnıkalyq talaptarǵa saı quraldarmen jabdyqtalǵan.
Jańa avtokólikter jol-patrýldik polısııa polkine, ýchaskelik polısııa ınspektorlaryna, Jergilikti polısııa qyzmetiniń kınologııalyq vzvodyna, aýdandyq basqarmalar men ákimshilik polısııanyń kezekshi bólimderine paıdalanýǵa berildi.
Bul atalǵan bólinister qyzmetiniń jedeldigin arttyrýǵa jáne elordadaǵy qoǵamdyq tártipti qamtamasyz etýge septigin tıgizedi.
«Jol qaýipsizdigin qorǵaý maqsatynda polıseıler súıemeldeýdi qamtamasyz etip, EKSPO halyqaralyq kórmesine kelgen mektep oqýshylaryna, basqa aımaqtardan kelýshilerge jáne sheteldik týrısterge qala aýmaǵyna beıimdelýine kómek kórsetedi», - delingen taratylǵan habarlamada.