QR Aqparat jáne kommýnıkasııalar mınıstri Dáýren Abaevtyń aıtýynsha, elimizde telefon urlyǵyn anyqtaıtyn derekqor ashylady. Bul týraly búgin QR Aqparat jáne kommýnıkasııalar mınıstrliginiń halyqpen eseptik kezdesýinde aıtyldy, dep habarlaıdy egemen.kz tilshisi.
Mınıstr IMEI-kodtar bazasyn qurýda halyqaralyq ońtaıly tájirıbe eskeriletinin jetkizdi. Atalǵan júıeni iske qosý arqyly telefon urlyǵy aıtarlyqtaı azaıady dep kútilýde.
– IMEI kod arqyl tirkeý erejelerin qurý jumystary aldaǵy úsh apta kóleminde aıaqtalady. Munan soń urlanǵan telefondar deregin kod arqyly anyqtaýǵa bolatyn derekqor ashylady, – dedi D. Abaev.
Degenmen mınıstr aýqymdy sharalardy iske asyrýǵa qolbaılaý bolyp otyrǵan birneshe jaıtty atady.
– Dál qazir urlanǵan telefondardy birden buǵattaı almaımyz. Sebebi jaǵdaı kúrdeli, óıtkeni birdeı IMEI kodpen tirkelgen 500-deı uıaly telefon bar, – degen mınıstr osy saladaǵy jumystardyń bir jarym jyl ishinde aıaqtalatatyn eskertti.
Aıa О́MIRTAI,
«Egemen Qazaqstan»