Jetisý oblystyq polısııa departamentiniń qyzmetkerleri prokýratýramen birlesip, Taldyqorǵan qalasynda jasyryn jumys istegen eki esirtki zerthanasyn anyqtap, olardyń zańsyz áreketine tosqaýyl qoıdy, dep habarlaıdy Egemen.kz.
Jedel-izdestirý sharalary barysynda bir qylmystyq shema aıasynda áreket etken 31 jáne 21 jastaǵy eki shetel azamaty ustaldy.
Tergeý nátıjesinde olardyń sıntetıkalyq esirtki daıyndaýmen aınalysqany belgili boldy. Tintý kezinde zerthanaǵa qajetti qural-jabdyqtar, hımııalyq reagentter jáne ótkizýge daıyndalǵan 1,3 keliden astam mefedron tárkilendi.
Taldyqorǵanda zeınetker 5 keliden astam esirtkimen ustaldy
Qazirgi ýaqytta kúdiktiler ýaqytsha ustaý ızolıatoryna qamaldy. Qylmystyq istiń barlyq mán-jaıyn anyqtaý, onyń ishinde uıymdastyrýshy men ózge de qatysy bar tulǵalardy áshkereleý jumystary jalǵasyp jatyr.
Polısııa esirtki quraldarynyń zańsyz aınalymy qylmystyq jaýapkershilikke ákeletinin eskertedi.
Shymkentte iri esirtki zerthanasy joıyldy