Qazaqstan men Túrkııa arasynda jańa stıpendııalyq baǵdarlama iske qosylady. Ǵylym jáne joǵary bilim mınıstri Saıasat Nurbektiń aıtýynsha, bul kelisim Rejep Taııp Erdoǵannyń Qazaqstanǵa jasaǵan memlekettik sapary aıasynda bekitildi, dep habarlaıdy Egemen.kz.
«Túrkııa prezıdenti Rejep Taııp Erdoǵannyń Qazaqstanǵa memlekettik sapary aıasynda birqatar kelisimderge qol qoıyldy. Onyń ishinde «Abaı – Akıf Ersoı» stıpendııalyq baǵdarlamasy da bar. Bul – Qazaqstannyń azamattaryna Túrkııanyń jetekshi oqý-oryndarynda stıpendııa arqyly oqý múmkindigin beredi. Sondaı-aq Túrkııa azamattary da Qazaqstanǵa kelip bilim ala alady», dedi mınıstr.
Qazaqstan men Túrkııa arasynda «Máńgilik dostyq týraly» deklarasııa qabyldanady
Saıasat Nurbektiń aıtýynsha, bastapqyda 40-50 grant bólý kózdelip otyr. Odan keıin onyń sanyn arttyrý qarastyrylmaq.
Eske sala keteıik, Qasym-Jomart Toqaev pen Rejep Taııp Erdoǵan beınebaılanys rejımi arqyly Túrkııada boı kótergen Qoja Ahmet Iаsaýı atyndaǵy mekteptiń ashylý saltanatyna qatysty.