Qasym-Jomart Toqaev pen Rejep Taııp Erdoǵan beınebaılanys rejımi arqyly Túrkııada boı kótergen Qoja Ahmet Iаsaýı atyndaǵy mekteptiń ashylý saltanatyna qatysty, dep habarlaıdy Egemen.kz.
Gazıantep provınsııasynyń Nýrdagy qalasynda ornalasqan zamanaýı bilim oshaǵynda 32 bastaýysh jáne 4 mektepke deıingi synyp qarastyrylǵan. Ǵımarattyń jalpy aýdany – 6 myń sharshy metr. Bilim berý kesheni mamandandyrylǵan oqý kabınetterimen, zerthanalarmen, májilis zalymen, kitaphanamen jabdyqtalǵan.
Mektep aýmaǵynda amfıteatr, sport jáne balalar oıyn alańdary men qazaqtyń ulttyq kıiz úıi stılinde jasalǵan shatyrlar bar. Qurylys barysynda joba Túrkııanyń qaýipsizdik talaptary men qazirgi normalaryna saı jetildirilip otyrdy.
Qazaqstan Túrkııaǵa eksportty 630 mıllıon dollarǵa deıin arttyrmaq
О́ńirdiń ereksheligine beıimdelgen ınjenerlik sheshimder arqyly seısmıkalyq qaýipsizdik, ylǵaldan saqtaý jáne jylý únemdeý júıeleri qoldanyldy.
2023 jyldyń 6 aqpanyndaǵy joıqyn zilzaladan zardap shekken óńirge arnalǵan jańa mektep salý bastamasyn Qazaqstan Prezıdenti Qasym-Jomart Toqaev kótergeni belgili. Aıta keteıik, buǵan deıin Prezıdent Túrkııa Rejep Taııp Erdoǵan «Qoja Ahmet Iаsaýı» ordenimen marapattaǵan bolatyn.