Memleket basshysyna óńirdiń áleýmettik-ekonomıkalyq damýy men ornyqty ósimin qamtamasyz etý boıynsha atqarylyp jatqan sharalar týraly baıandaldy. ShQO ákimi Nurymbet Saqtaǵanov 2025 jyldyń qorytyndysyna sáıkes oblysta oń dınamıka baıqalatynyn aıtty. Bul týraly Aqordanyń baspasóz qyzmeti habarlady, dep jazady Egemen.kz.
Oblys ákiminiń aıtýynsha, ınvestısııa, qurylys, aýyl sharýashylyǵy jáne saýda salalary ósim kórsetip otyr. Negizgi kapıtalǵa salynǵan ınvestısııa kólemi 838 mıllıard teńgeden asty. Investısııalyq portfelde 101 joba bar.
Qurylys jumystarynyń kólemi 460 mıllıard teńgege jýyqtady. Aýyl sharýashylyǵyndaǵy jalpy ónim 550 mıllıard teńgeden, al saýda salasynda 2 460 mıllıard teńgeden asqan.
407 myń sharshy metrden astam turǵyn úı paıdalanýǵa berildi. Jumyssyzdyq deńgeıi 4,6 paıyz deńgeıinde turaqtap, 29 myń adam eńbekpen qamtylǵan.
Jumyspen qamtýdyń óńirlik kartasy aıasynda bıyl 17 440 jumys ornyn ashý (I toqsannyń qorytyndysy boıynsha 3 317 jumys orny ashyldy) qarastyrylyp otyr.
Prezıdent Sberbanktiń basqarma tóraǵasy German Grefti qabyldady
Áleýmettik salada AÁK alýshylar sany azaıyp keledi.
Aýyldyq aýmaqtardy damytý jáne qonystanýshylardy qoldaý baǵdarlamalary, sonyń ishinde «Shyǵys shaqyrady» óńirlik jobasy júzege asyrylyp jatyr.
Shyǵys Qazaqstanda ınfraqurylymdy jańǵyrtýǵa basa mán beriledi. Byltyr uzyndyǵy 856 shaqyrym bolatyn joldar men kóshelerde jóndeý jumystary aıaqtalǵan.
Prezıdent «Rýsskaıa mednaıa kompanııa» negizin qalaýshy Igor Altýshkındi qabyldady