Shalqar aýdanynyń Toǵyz aýylynda qaıtarylǵan qarajat esebinen salynǵan medpýnkt paıdalanýǵa berildi. Bir aýysymda 25 turǵyndy qabyldaýǵa ázir Toǵyz aýylyndaǵy emdeý mekemesi Prezıdent tapsyrmasyna sáıkes, «Aýyldyń densaýlyq saqtaý salasyn jańǵyrtý» ulttyq jobasy aıasynda qaıtarylǵan aktıvter esebinen salyndy, dep habarlaıdy Egemen.kz.
Jalpy quny 131,9 mıllıon teńgeni quraıtyn jumysqa jergilikti bıýdjetten 30,3 mıllıon teńge, Arnaıy memlekettik qordan 97,8 mıllıon teńge bólinip, qurylys jumystarymen «Kae Elıt Stroı Servıs» JShS-i aınalysty. Eki jylda salynyp, zamanaýı talaptarǵa saı jabdyqtalǵan emdeý mekemesinen aýyl turǵyndary endigi jerde alǵashqy medısınalyq kómekti tolyq kólemde ala alady.
Zamanaýı medısınalyq nysandar
Toǵyz aýylynyń turǵyny, medısına salasynyń ardageri Qalamqas Jumasheva aýyldastarynyń emdeý mekemesiniń salynǵanyna rıza bolǵanyn jasyrmady. О́ıtkeni, temirjol boıyndaǵy osy aýylda 40 jyldan astam emdeý mekemesi bolmaǵandyqtan, turǵyndar Shalqar aýdanynyń ortalyǵyna qatynap kelgen edi. Bul Aqtóbe oblysynda qaıtarylǵan qarjy esebinen eldi mekenderde salynýǵa tıis medısınalyq on bir nysannyń biri. Baıǵanın aýdanynyń Noǵaıty, Alǵa aýdanynyń Marjanbulaq, Muǵaljar aýdanynyń Muǵaljar, Qaıyńdy, Jaryq, Yrǵaz aýdanynyń Nura, Jarma, Qobda aýdanynyń Begaly, Shalqar aýdanynyń Shoqysý, Sarysaı aýyldarynda ambýlatorııalar men medısınalyq pýnktter salynýǵa tıis bolsa, on nysan byltyr paıdalanýǵa berildi.
Aıda Balaeva: Memleket kepildik bergen medısınalyq kómektiń kólemi saqtalady
Aqtóbe oblysy