Baspasóz máslıhatynda birinshi bolyp sóz alǵan Astananyń kómekshi epıskopy Atanazıýs Shnaıder din men ekologııanyń baılanysy jóninde oı qozǵady. Sondaı-aq ǵylym men din, mádenıet pen rýhanııat, ekofılosofııa týraly pikirlerimen bólisti. «Shirkeý bolashaqtyń energııasyna ózine ǵana tán, aıryqsha úlesin qosa alady. Alaıda, ol qandaı da bir tehnologııanyń kúshimen emes, Jaratýshyny jer betindegi barlyq energııanyń qaınar kózi retinde kórsetý arqyly júzege asady», – deıdi Astananyń kómekshi epıskopy Atanazıýs Shnaıder. Uzaq jyldar boıy hrıstıandyq ekologııalyq bilim máselelerimen aınalysyp kele jatqan belgili ekolog, Polshanyń din mamany Stanıslav Iаromı kórmeden alǵan áserimen bólisti. «Men 10 saǵat boıy EKSPO-2017 kórmesinde usynylǵan pavılondardy aralap shyqtym. 300-den astam sýret túsirdim. Ol sýretterde basty taqyryp – bolashaq energııasy beınelengen. Osydan keıin bizdiń qolymyzda álemdi damytýdyń turaqty úlgisi bar ekenin uǵyndym. Bizde jańa tehnologııalar da bar, durys baǵdar belgilengen. Tek osynyń barlyǵyn júzege asyrý úshin energııa jete me degen suraq týyndaıdy», – deıdi doktor Stanıslav Iаromı.
Aıdar О́RISBAEV, «Egemen Qazaqstan»