− Men Fransııadan keldim. Bala-shaǵammen uzaq ýaqyttan beri Parıjde turyp kelemin. Qudaıǵa shúkir, onda da biraz qazaq bar. Sońǵy esepteýimizshe, 270-teı otbasy barmyz. Bizde, qudaıǵa shúkir, bala týylǵan kezden, toı-tomalaq, ólim-jitimge deıin bárin qazaq salty, musylmanshylyq jolymyzben atqaryp kelemiz. Tek ortanyń áserinen til jaǵynan qıyn máseleler bar. Balalardy qazaqsha úıretetin ortalyqtar ashyp, barynsha saqtap qalýǵa tyrysyp jatyrmyz. О́z basym Qazaqstanǵa Abaı jáne Túrkistan toıy syndy aıtýly merekeler kezinde de kelgen edim. Bul jolǵy kelýimizdiń máni erekshe. Birinshiden, Dúnıejúzi qazaqtarynyń V quryltaıy, árıne. Ekinshiden, sonyń aıasynda ótkeli otyrǵan ákem Halıfa Altaıdyń týǵanyna 100 jyl tolýyna oraı uıymdastyrylyp otyrǵan ǵylymı konferensııa. Álem qazaǵyna ortaq tulǵanyń eńbekterin taldap, talqylap ǵylymı konferensııa jasaýdy osy quryltaı aıasynda uıymdastyrý kóńilge qonymdy, jastarǵa paıdaly is dep esepteımin. Toı osyndaı ıgilikti sharalarymen mánin arttyra túsedi. О́te qýanyshtymyn. Tabys tileımin.
Ábdýlsamet Altaı, kásipker