Elbasynyń aıtýynsha, bul ultty biriktirýge kómegin tıgize alady.
"Qazaqstan basqa memleketterde tursa da, óziniń ónerimen, bilimimen qazaqtardyń atyn shyǵarǵan adamdardy, talantty tulǵalardy bilýi kerek. Men Úkimetke tanymal qazaqtardyń elektrondy bazasyn jasaýdy tapsyramyn. Bul tarıhı otanynda turmaıtyn qazaqtarǵa jol ashady. Qoǵamdyq sananyń jańǵyrýy - qazaqtardyń jańǵyrýy. Bul barlyq qazaqtardyń birligi. Basty másele osynda. Al oǵan tek Qazaqstandaǵy yntymaq pen birliktiń arqasynda qol jetkizýge bolady", dedi Elbasy.
Quryltaıda sóz sóılegen Prezıdent 1991 jyly Táýelsizdigimiz jarııalaǵan kezde qazaqtar Qazaqstan halqynyń tek 40 paıyz úlesin quraǵanyn eske aldy. "Men saılanǵanda qansha paıyz daýys jınaıtynymyzdy oılaýǵa da qoryqtyq. Qazir qazaqtardyń úlesi 70 paıyzdan asady. Qudaıǵa shúkir, osy jyldary biz Qazaqstan halqynyń sanyn saqtap qaldyq. Jyl saıyn elimizde 400 myńnan asa bala dúnıege keledi. Men 1 shildede Qazaqstan halqynyń sany 18 mıllıon bolatynyn málimdeımin", - dedi Nursultan Nazarbaev.
Esterińizge sala ketsek, dál qazir Astanada Dúnıejúzi qazaqtarynyń besinshi quryltaıy ótýde. Oǵan 750-den astam delegat keldi. Onyń ishinde álemniń 39 elinen 350 delegat qatysýda.
Gúlnur Qýanyshbekqyzy,
"Egemen Qazaqstan"
Sýretti túsirgen Erlan Omarov,
"Egemen Qazaqstan"