«Aǵymdaǵy jyly syrtqy ahýaldyń jaqsarýy esebinen ekonomıkalyq belsendiliktiń jáne ekonomıkanyń naqty salalary kórsetkishteriniń jaqsarýy baıqalady. Aldyn ala málimetter boıynsha, 2017 jylǵy 5 aıdaǵy eldegi ekonomıkalyq ósim 4,1 paıyzdy qurady. Aǵymdaǵy jyly 5 aıdaǵy ınvestısııaǵa salynǵan negizgi kapıtal 5,2 paıyzǵa ósti», – dedi mınıstr.
Tımýr Súleımenov mınıstrlik ulttyq qordyń jańa tujyrymdamasyn júzege asyrýǵa kiriskenin tilge tıek etti. «Úsh jyldyq merzimde Ulttyq qordyń qarajatyn paıdalanýdy onyń aktıvterin turaqtandyrý úshin aıtarlyqtaı qysqartý josparlanýda. Ulttyq qordyń kepildendirilgen transfertteriniń kólemi úsh jyl ishinde 880 mlrd teńgege, 2020 jyldan bastap 2 trln teńgege qysqartylatyn bolady», – dedi ol.
T.Súleımenovtiń aıtýyna qaraǵanda, Ulttyq ekonomıka mınıstrligi Qarjy mınıstrligimen birlesip, bıýdjettik prosessıngti ońaılatý jáne memlekettik organdardyń derbestigin keńeıtý jolymen memleket qarjysynyń ekonomıkaǵa ótkizilýin jedeldetýge múmkindik beretin Bıýdjet kodeksine túzetýler ázirledi.
«Qazirgi ýaqytta memlekettik organdardyń ókilderi, bıznes-qoǵamdastyq, «Atameken» UKP, úkimettik emes jáne halyqaralyq uıymdardyń belsendi qatysýymen jańa Salyq kodeksi jobasyn daıyndaý boıynsha jumystar júrgizilýde. Osy jumystardyń aıasynda mátinniń ózin talqylaý júrýde. Jańa Salyq kodeksiniń jobasy, tujyrymdamasy jáne tanystyrylym materıaly Ulttyq ekonomıka mınıstrliginiń saıtynda ornalastyrylǵan», – dedi vedomstvo basshysy.
Sonymen qatar, mınıstrlik 2020 jylǵa deıingi О́ńirlerdi damytý baǵdarlamasy aıasynda árbir makroóńir úshin ınvestısııalyq basymdyqty anyqtaý, eldiń aýmaqtyq damýyn jetildirý, TKSh jańǵyrtý, halyqty aýyz sýmen jáne sý tartýmen qamtý boıynsha mindetterdi júzege asyrýda. «Tutas alǵanda, Baǵdarlamany júzege asyrýǵa 2017 jylǵa respýblıkalyq bıýdjetten 86,3 mlrd teńge qarastyrylǵan, 2017 jylǵy 1 maýsymdaǵy jaǵdaı boıynsha, jergilikti atqarýshy organdar arqyly onyń 20,2 mlrd teńgesi ıgerilgen. Qarajat bekitilgen qarjylandyrý josparyna sáıkes bólinýde» dedi mınıstr.
Raýan QAIDAR, «Egemen Qazaqstan»