Bıyl alǵash ret taǵaıyndalǵan syılyqtyń "Qazaqstan týraly úzdik tanymdyq materıal" nomınasııasy boıynsha "Egemen Qazaqstan" gazetiniń bólim meńgerýshisi Dýman Anash jeńimpaz atandy. Bul atalym boıynsha úmitkerler qatarynda odan bólek Doshan Jylqybaı (zhasorken.kz), Dınara Tilekqyzy (auyltynysy.kz), Aqnıet Ospanbaı ("Túrkistan" gazeti), Krýglova Dana (informburo.kz) sekildi jýrnalıster boldy.
Esterińizge sala ketsek, «Úrker» tuńǵysh ulttyq syılyǵy 15 nomınasııadan turady. Olar: «Úzdik aımaqtyq baspasóz basylymy», «Úzdik radıobaǵdarlama», «Úzdik salalyq baspasóz basylym», «Úzdik jyl jýrnaly», «Úzdik respýblıkalyq baspasóz basylymy», «Úzdik reportaj», «Qaznettegi medıaserpilis», «Úzdik aımaqtyq radıostansııa», «Úzdik jýrnalıstik zertteý», «Úzdik ıntervıý», «Qazaqstan týraly úzdik tanymdyq materıal», «Úzdik halyqaralyq saraptamalyq materıal», «Jýrnalıstıkadaǵy debıýt», «Úzdik fotosýret», «Úzdik saraptamalyq materıal». Konkýrsqa ótinish qabyldaý 2017 jyldyń 7 mamyrynan 10-maýsym aralyǵynda júrgizilgen bolatyn. Baıqaýǵa 860-qa jýyq BAQ ókili qatysýǵa nıet tanytqan.