WBA(Super),WBO jáne IBF tujyrymy boıynsha jartylaı aýyr salmaqtaǵy álem chempıony amerıkalyq Andre Ýord (32-0, 15 KO) orta salmaqtaǵy WBA(Super), WBC, IBF jáne IBO tujyrymy boıynsha álem chempıony Gennadıı Golovkın (37-0, 34 KO) meksıkalyq Saýl «Kanelo» Alvares (41-1-1, 34 KO) arasyndaǵy kezdesýge boljam jasady.
«Menińshe, bul jekpe-jek óte tartysty ótedi. Golovkın meksıkalyq boksshyǵa qaraǵanda úlken. Alvares agressıvti boksshy, ózindik stıli qalyptasqan, aıla tásili jetilgen, kez kelgen boksshylarmen ıyq teńestirerlik dárejesi bar. Ol osy kezdesýde bar kúshin qoldanady dep oılaımyn. Qazir kim jeńetindigin dóp basyp aıtý qıyn. Sebebi, bul – boks. Bir soqqy barlyǵyn sheship ketýi múmkin. Men bul kezdesýde kim jeńetinin bilmeımin, degenmen, bokstyń bar qyzyǵy osynda», deıdi Andre Ýord óz First Take baǵdarlamasyna bergen suhbatynda.
Esterińizge sala ketsek, Golovkın-Alvares kezdesýi 16-qyrkúıekte AQSh-tyń Las-Vegas qalasyndaǵy T-Mobil arenasynda ótedi.
Abzal ORYNBASAR