Búgin Astanada Qazaqstan Respýblıkasynyń Premer-Mınıstri Baqytjan Saǵyntaev Latvııa Respýblıkasynyń Prezıdenti Raımonds Veıonıspen kezdesti, dep habarlaıdy primeminister.kz.
Kezdesý barysynda jeńil jáne tamaq ónerkásibi, aýyl sharýashylyǵy, týrızm salalarynda, sondaı-aq bilim berý, azamattyq avıasııa jáne medısınalyq týrızm kadrlaryn daıarlaý salasyndaǵy ekijaqty saýda-ekonomıkalyq yntymaqtastyqty odan ári damytý máseleleri talqylandy.
Tranzıttik-kóliktik baǵyttaǵy ózara is-qımyl máselelerine jáne shaǵyn jáne orta bıznesti damytýǵa erekshe kóńil bólindi.
Qazaqstan men Latvııa arasyndaǵy saýda aınalymy 2016 jyly 126,2 mln dollardy qurady (eksport - 93,5 mln doll., ımport - 32,7 mln doll.). 2017 jyldyń qańtar-sáýirinde: $31,8 mln (eksport - $25,3 mln, ımport - $6,5 mln).
Búginde Qazaqstanda 60-tan astam qazaqstandyq-latvııalyq birlesken kásiporyndar jumys isteıdi.