Búgingi tańda Jambyl oblysynyń Merki aýdanynda dolan tuqymdy qoı ósirilýde. Dene bitimi de, túri de ózgeshe asyl tuqymdy qoılardy aýdandaǵy «Hadıja» sharýaqojalyǵy ósirip otyr. Aptapta da jaıyla beretin, tipti 55 gradýsqa deıingi ystyqqa da tózimdi janýarlar erekshe jaratylǵan úlken qulaqtary arqyly salqyndaıdy eken. Eti mol asha tuıaqtynyń júni de jartylaı bııazy.
Sharýa qojalyq basshysy bul tuqymdy alý úshin áýelgide qoılardy Edilbaı tuqymymen býdandastyryp kórgen eken. Bul bastama oń nátıje berip, búginde asyltuqymdy qoılardyń arnasy keńeıe túsken.
Merki aýdanynda ornalasqan sharýaqojalyq negizinen et óndirý baǵytynda jumys istep, memleketten de tıisti qoldaý kórip otyr. Sondaı-aq, munda tórt túliktiń basym bóligi asyltuqymdy ekendigimen erekshelenedi.
Jýyrda ǵana mańaıdaǵy 20 sharýa birigip, kooperasııa quryp, mal soıý alańdaryn da salǵan. Endi sharýalardyń bul bastamasy óńirdegi mal sharýashylyǵyn qalyptastyrýǵa aıtarlyqtaı úles qosatyn bolady.
Hamıt Esaman,
«Egemen Qazaqstan»
Jambyl oblysy