22-23 shilde kúnderi Astanada XIII halyqaralyq «Eýrazııa» kınofestıvali aıasynda Qazaqstanda, Ortalyq Azııada jáne túrkitildes elderde prokatqa 2017 jyldyń 1 qazanynan keıin shyqqan jáne «Tulpar» júldesine usynǵan fılmder kórsetiledi. Bul týraly Festıvaldiń daıyndyq jumystaryna baılanysty ótkizilgen baspasóz máslıhatynda XIII «Eýrazııa» HKF-niń bas dırektory Rashıd Nuǵyman habarlady.
«Kınematografııanyń jáne otandyq kınonyń damýyna kórnekti úles qosqan jetistikteri úshin otandyq kınematograftarǵa ulttyq «Tulpar» júldesi beriledi. Konkýrsqa kórermen nazaryna usynylǵan otandyq fılmder qatysady. Kınematografııa salasyndaǵy ulttyq «Tulpar» syılyǵy otandyq kınematograftardy qoldaý, mádenı erekshelikti jáne ulttyq kınoındýstrııa negizin saqtaý, jergilikti jáne halyqaralyq jurtshylyq arasynda qazaqstandyq jáne ortalyqazııalyq úzdik jumystardy nasıhattaý maqsatynda qurylǵan bolatyn. Barlyq kórsetilimder Astanada bolady, – deıdi Rashıd Nuǵyman.
Júldege14 qazaqstandyq kartına, túrkitildes elderdiń atynan 4 fılm qatysady. Konkýrs júldesi Almatyda qyrkúıek aıynda tabystalady.
Aıa О́MIRTAI,
"Egemen Qazaqstan"