Bireýler qoldasa, endi biri túbegeıli qarsylyq tanytýda. Elordalyq ákimdik qalada aqyly turaqtar qanshalyqty kerek degen saýalǵa monıtorıng júrgizdi. Resmı málimetter boıynsha, Astanada qazirgi kúnge 350 myń kólik tirkelgen. Jyl saıyn bul kórsetkish 6-8%-ǵa ósedi. Árıne, bul joldarda kólik qozǵalysyna qıyndyqtar týdyrady.
PriceWaterHouseCoopers halyqaralyq keńesshileri Túrkistan, Dostyq, Orynbor kósheleri men Nurjol býlvary boıynsha ornalasqan parkıngter men turǵyn úı keshenderiniń mańyndaǵy aýmaqtarda kólikterdiń qoıylýyna saraptama jasaǵan. Monıtorıng búgingi kúni aqyly turaqtar engizýdiń birinshi kezeńi ótip jatqan Nurjol býlvary aýmaǵynda saǵat 7:00-den 2:00-ge deıin júrgizildi. Kóshe-jol jelilerin zertteýdiń nátıjesinde, bul aýmaqta kúni boıy orta eseppen 600 kólik turaqtaıtyny belgili boldy, onyń 238-i turaq erejesin buzady. Ár ekinshi júrgizýshi óz kóligin ruqsat etilmegen jerge qoıǵan. Halyqaralyq zertteýler boıynsha, álemniń damyǵan iri qalalarynyń eshqaısysynda Astanadaǵydaı turaq erejesin buzbaıdy eken. Kóptegen elderde qomaqty aıyppul salynady jáne zańdy buzǵan júrgizýshiniń kóligin tıep áketý júıesi engizilgen.
Jazaǵa tartý júrgizýshilerdi tártipke keltirip, jaıaý júrginshiler úshin jaılylyq deńgeıi joǵarylaıdy jáne ózge de qoldanýshylar úshin qoljetimdi turaq oryndary paıda bolady. Sonymen qatar, zertteýdiń qorytyndysy boıynsha belgili bolǵandaı, temir tulpar ıeleriniń 80%-y kólikterin Nurjol saıajolyna qaldyryp, 8-9 saǵatqa jumystaryna jaıbraqat kete barady eken. Bir sózben aıtqanda, 380 kólik kúni boıy kóshe turaǵynda oryn alyp, bosqa turady. О́zgeler bul aýdanda 1-2 saǵat boıy bos oryn tappaı sabylyp júrgende, bireýler jeke garajy retinde kóshe turaǵyn paıdalanady.
Áleýmettik saýalnama kórsetkendeı, suralǵandardyń 50%-y kólik qoıatyn bos oryn bolmaıtyndyqtan óz kezdesýlerin keıinge qaldyrady nemese bas tartatyn kórinedi.
Esterińizge salamyz, kólikter kóp júretin oryndarda aqyly turaqtar qurý keptelisterdiń aldyn alý jáne jol qozǵalysy erejesin buzý sanynyń azaıýyna septigin tıgizetin álemdik tájirıbedegi tıimdi sharalardyń biri bolyp sanalady. Elordada «Astana qalasynyń turaq keńistigin basqarý» jobasynyń birinshi kezeńi 19 maýsym Nurjol saıajolynda synaq retinde júzege asyryla bastaǵan bolatyn. Ázirge aqy alynbaıdy. Keleshekte aqyly turaq quny saǵatyna 100 teńge bolady.