Birinshi raýndta eki boksshy da bir-birin ańdyp, reti kelgende soqqy jumsaǵan. Ekinshi raýnd bastala sala «Arlan» Amanqul shabýylǵa shyqqan, alaıda tájirıbeli Lopez qazaqstandyq bylǵary qolǵap sheberiniń oılaǵanyn iske asyrýyna múmkindik bergen joq. Úshinshi raýndta qos boksshy kúrzideı judyryqtaryn bir-birine aıamaı siltedi. Jekpe-jektiń ekinshi bóliginde kýbalyq boksshy kúsh alyp ketken. Tóreshider jeńisti bir aýyzdan 3:0 esebimen Lopezge berdi.
Amanqul Ábilhan ‒ Ulttyq quramadan «arlandarǵa» kómektesýge kelgen jalǵyz boksshy. Qolynyń jaraqatyna qaramastan, ol Lopeske qarsy jekpe-jek ótkizýge daıyn-tuǵyn. Áıtpese, Kýba boksshysynyń jasy da úlken, tájirıbesi de mol. Lopez ‒ Rıo Olımpıadasynyń chempıony. Sondaı-aq, Dohada ótken álem chempıonatynda altyn medaldi qanjyǵasyna baılaǵan-dy.
Dúnıejúzilik boks serııasynyń (WSB) jetinshi maýsymdaǵy fınaldyq jekpe-jegi dál qazir Astanadaǵy «Qazaqstan» sport kesheninde ótip jatyr.