Shyǵys Qazaqstan oblysynda qatty daýyl saldarynan 35 nysannyń shatyry qırady. Olardyń qatarynda turǵyn úıler, sharýashylyq qurylystar, densaýlyq saqtaý, bilim jáne mádenıet nysandary bar.
Dúleı jel Ulan, Jarma jáne Glýbokovskıı aýdandary men О́skemen qalasynda soqty. Qalalyq aýrýhana kómegine 5 zardap shegýshi júgindi. Dárigerlerdiń qaraýynan keıin ekeýi úılerine qaıtaryldy, dep habarlady oblystyq TJ departamenti.
«112» jáne «101» jelilerine О́skemen men qala mańyndaǵy aýdandardan shamamen 100 qońyraý shalyndy. Qazirgi ýaqytta aýdandyq jáne qalalyq TJ qyzmetkerleri shalynǵan ár qońyraýǵa jaýap berip, oqıǵa ornyna barýda.
TJ departamenti qutqarý qyzmetteriniń aldyn ala, jeksenbi kúni tústen keıin «Qazgıdromet» aqparatynyń negizinde mobıldi baılanystar jáne vedomstvonyń resmı saıty arqyly turǵyndardy 17 shilde kúngi aýa raıy boljamymen, jel ekpini sekýndyna 20 metrge deıin jetetinin habardar etkendigin aıtýda.