Kəsipkerlik jəne ındýstrıaldy-ınnovasııalyq damý basqarmasy bıznesin damytý úshin memlekettik grant alýǵa nıetti 59 kəsipkerdiń ótinishin qabyldady. Mamyr aıynda birinshi transh boıynsha 15,7 mln teńge ıgerildi. Konkýrsqa qatysqan 45 kəsipkerdiń arasynan konkýrs komıssııasy men Aımaqtyq úılestirý keńesi 8 jeńimpazdy iriktedi. Memlekettik grant arqyly oblys aýdandarynan 7 kəsipker, Atyraý qalasynan bir kəsipker bıznesterin damytýǵa qoldaýǵa ıe boldy.
Maýsym aıynda ekinshi transh boıynsha 14 kəsipker memlekettik grant alýǵa konkýrsqa tústi, nətıjesinde 7 joba maquldanyp, 13,3 mln teńge ıgerildi. Qoldaý tapqan bıznes jobalardyń úsheýi aýdan kəsipkerleri, tórteýi Atyraý qalasynan.
«Bıznestiń jol kartasy-2020» memlekettik baǵdarlamasyn tabysty júzege asyrý nətıjesinde Atyraý oblysynda múmkindigi shekteýli balalardy damytý ortalyǵy, aıaq kıim sehy, jartylaı fabrıkattar shyǵarý, qaldyqtardy óńdeý sehy sekildi aımaqqa qajet basqa da mańyzdy jobalar damıtyn bolady.