Osyǵan oraı búgin aýyl sharýashylyǵy ónimderi tıelgen júk kólikteri Astana qalasyna jolǵa shyqty. Bul ońtústik sharýlarynyń EKSPO aıasyndaǵy 4-shi jármeńkesi.
Ońtústik dıqandary bul joly qala qonaqtary men turǵyndaryna quny 171 mln. teńge bolatyn 420 tonna ónim jetkizbek. EKSPO kórmesinde otandyq ónimderimiz qala turǵyndary men qonaqtaryna jármeńke túrinde usynylǵaly otyr. Jalpy Ońtústik Qazaqstan oblysy halyqaralyq kórme aıasynda 6 ret jármeńke ótkizýdi josparlap otyr.
Atalǵan jármeńkege dıhandar negizinen kókónis, jemis-jıdek pen baqsha daqyldaryn kóptep jiberýde. О́ıtkeni shildeniń shilińgir ystyǵynda osy ónimderge suranys óte joǵary bolmaq. EKSPO qonaqtary dámi til úıirer Shardaranyń qaýyn-qarbyzy, Túlkibastyń almasy men Saryaǵashtyń qyzanaǵynan dám tatady. Al, jármeńkege barǵan sharýalar ónimderin satyp qana qoımaı, halyqaralyq sharany tamashalaýǵa múmkindik alady.
Aıta keteıik, bıyl oblysta egis kólemi 11,4 myń gektarǵa artyp, 800,2 myń gektardy qurap otyr. Onyń ishinde kókónis 35,3 myń gektar, kartop – 13,3 myń gektar, baqsha daqyldary 57 myń gektarǵa egilgen.
Tabıǵattyń qolaılyǵyna baılanysty bıyl óńir sharýalary mol ónim alýda. Máselen búgingi kúnge oblys boıynsha 576,7 myń tonna kókónis, 325,2 myń tonna baqsha daqyldary men 105,5 myń tonna kartop jınalǵan. Jınalǵan ónimder elimizdiń ózge oblystarymen qatar alys-jaqyn shet elderge eksporttalýda.