«AMANAT» partııasynyń Eńbekshiqazaq aýdandyq fılıaly Memleket basshysy Qasym-Jomart Toqaevtyń bastamasymen júzege asyrylyp jatqan «Taza Qazaqstan» jobasy aıasynda Báıdibek bı aýylynda «Taza beısenbi» ekologııalyq aksııasyn uıymdastyrdy, dep habarlaıdy Egemen.kz.
Tazalyq jumystaryna aýdan ákimi, partııa músheleri, máslıhat depýtattary jáne aýyl turǵyndary qatysty. Aksııa barysynda eldi meken aýmaǵy tolyq qamtylyp, qoqys jınaldy. Sonymen qatar aǵash túpteri qopsytylyp, jasyl jelek sýaryldy. Qatysýshylar demalys oryndaryndaǵy oryndyqtardy tazalap, synǵan butaqtardy jınady.
Nátıjesinde 250-ge jýyq adam 12 gektar aýmaqty qoqystan tazartyp, shamamen 35 tonna qaldyqty arnaıy polıgonǵa jóneltti. Is-sharaǵa 10 arnaıy tehnıka jumyldyryldy.«AMANAT» partııasy Almaty oblystyq fılıalynyń atqarýshy hatshysy Serik Nurqadyrovtyń aıtýynsha, ekologııalyq máselelerdi sheshý – partııanyń saılaýaldy baǵdarlamasynda aıqyndalǵan mańyzdy basymdyqtardyń biri.
«Jyl basynan beri partııalyq joba aıasynda 5 myńnan astam turǵyn ekoaksııaǵa qatysyp, 250 tonnaǵa jýyq turmystyq qaldyq jınaldy. Sonymen qatar 3 myńnan astam aǵash kósheti otyrǵyzyldy. Budan bólek, saılaýaldy baǵdarlama aıasynda óńirdegi ruqsat etilmegen qoqys úıindilerin tolyq joıý josparlanyp otyr. Sondaı-aq barlyq aýdanda qoqysty suryptaýǵa jáne quramynda synaby bar qaldyqtardy jınaýǵa arnalǵan keminde 1 000 konteıner ornatylady», dedi Serik Nurqadyrov.
Astanalyq stýdentter «Taza Qazaqstan» aksııasy aıasynda senbilik ótkizdi
Aıta keteıik, «Taza Qazaqstan» jalpyulttyq jobasy aıasynda óńirde «Taza beısenbi» ekologııalyq aksııasy júıeli túrde ótkizilip keledi. Myńdaǵan turǵyn tabıǵatty taza ustaýǵa belsendi úles qosyp júr.
Jańa Konstıtýsııa qaǵıdatyna saı «Taza Qazaqstan»