Bul alqapta jaýyn-shashyn kezinde kósheler batpaqqa aınalyp, osy ýaqytqa deıin turǵyndar edáýir qıynshylyq kórip keldi. Ásirese kúz jáne kóktem mezgilderinde jol salynbaǵan kóshelerdiń kedergisi kóbeıgen bolatyn. Balalardyń mektepke barýy, sondaı-aq kúndelikti tirshilik barysynda ary-beri júrýdiń ózi qıyn edi. Endi búginde sol olqylyqtyń orny tolyp, budan keıin alqap turǵyndary jańa jolmen júretin bolady.
Bul maqsatqa oblystyq bıýdjetten 227 mıllıon teńge bólinip, onyń ıgerilýi 2 jylǵa josparlanǵan. Atalǵan qarjynyń 91 mıllıon teńgesin osy jyly ıgerý kózdelip otyr. Al qurylysty júrgizýshi merdiger kompanııa «Araı Stroı Market» jaýapkershiligi shekteýli seriktestigi. Qalalyq turǵyn jaı-kommýnaldyq sharýashylyq, jolaýshylar kóligi jáne avtomobıl joldary bólimi avtomobıl joldary sektorynyń meńgerýshisi Erlan Ábildaevtyń aıtýynsha, búgingi tańda Báıdibek baba, Domalaq ana, Maılyqoja, Shota Rýstavelı, Taıbýryl kóshelerine qıyrshyq tas tóselip, tegistelipti. Tas joldyń uzyndyǵy 17 shaqyrym. Qurylys jumysyna 30 adam eńbekpen tartylyp, oǵan 15 tehnıka tartylǵan. Al alqap turǵyndary jol máselesiniń sheshilgenine qýanyshty. Osy oraıda turǵyndar memleket qoldaýyna rıza ekendikterin jetkizip otyr.
Hamıt Esaman,
«Egemen Qazaqstan»
Jambyl oblysy