Eresekter men áıelderdiń Qazaqstan quramasy komandalyq eseppen 3 oryn alsa, komanda quramynda Sabına Zaharova, Ekaterına Hýpoves, Ermek Aınazarov jáne Asylbek Muratovtar qola júldege ıe boldy.
Mańǵystaý oblysynyń ákimi E. Toǵjanov karate-dodan Azııa Chempıonatynyń jeńimpazdarymen kezdesip, olarǵa baǵaly syılyqtar men sertıfıkattar tabystady.
- Cizder, Azııa Chempıonatynda aımaǵymyzdyń abyroıyn asqaqtattyńyz. Biz sizderdiń jeńisterińizdiń arqasynda sizdermen maqtanamyz. Bolashaqta úlken jetistikterge jetip, elimizdiń mártebesin álemdik deńgeıde kóterýge tilektespin. Sizder, elimizdiń, Qazaqstannyń namysyn qorǵap júrsizder, al karate-do Olımpıadalyq sporttyń túrine jatady. Elimizdiń týyn kóteretin úzdik sportshylardyń qataryna kirýge erekshe múmkindikterińiz bar, - degen oblys ákimi Eraly Toǵjanov sportshylardyń Azııa Chempıonatynda jaqsy óner kórsetkenderi úshin alǵys bildirip, karate-do sport mektebi jattyqtyrýshylarynyń jumysyn joǵary baǵalady. Sondaı-aq, sportshylar oblys ákimi Eraly Toǵjanovqa aımaqtaǵy sporttyń damýyna qoldaý kórsetip otyrǵanyna alǵystaryn bildirip, sport áleminde joǵary jetistikterge jetýge ýáde berdi.
- Jattyqtyrýshylar, sport mekemeleriniń qyzmetkerleri men basshylarynyń arqasynda Mańǵystaý sportshylary ár túrli deńgeıdegi jarystarda, Álem Chempıonattary men Olımpıada oıyndarynda oblysymyz ben elimizdiń abyroıyn asqaqtatýda. Sportshylardy, jattyqtyrýshylar quramyn jeńisterińizben shyn júrekten quttyqtaı otyryp, sizderge bereke-birlik, myqty densaýlyq, sáttilik pen tabys, eńbekterińizge jemis tileımin, - dep Qazaqstan Respýblıkasy karate-dodan aǵa jattyqtyrýshysy, oblystyq mamandandyrylǵan balalar men jasóspirimder sport mektebiniń dırektory Mansýrov Parvız Dýnıamalı-oǵly aıtty.
Gúlaıym Shyntemirqyzy,
«Egemen Qazaqstan».
Mańǵystaý oblysy