Ońtústik Qazaqstandaǵy "Ordabasy" fýtbol klýby 500 mln teńgege satyldy. Jańa qojaıyn tanymal klýbty elektrondy saýda arqyly satyp aldy, dep habarlaıdy QazAqparat.
Eki jyl buryn fýtbol klýbynyń jekemenshikke ótetini týraly aıtylǵan bolatyn. Buryn “Ordabasy” klýbyn jergilikti bıýdjet qarjylandyrǵan. Al jańa qojaıynnyń aty-jóni ázirge belgisiz. Fýtbol klýbyn ıelený úshin úsh kandıdat básekege túsken.
«Ordabasynyń» satylatyny týraly aqparat memlekettik múlik reestriniń saıtynda jarııalanǵan edi. Fýtbol klýby úshin bastapqy baǵa 248 mln teńge bolyp belgilengen. Komandany alǵysy keletinder qatarynda «BIIK «Sport servıs», «Namys» sport ortalyǵy» jáne taǵy bir jeke tulǵa boldy.
«Tender ótti. “Ordabasy” satyldy. Kim satyp alǵany týraly aqparatty jarııalaý úshin basshylyqtyń kelisimi kerek. Sebebi, biz ázirge kelisimshartqa qol qoıǵan joqpyz»,- deıdi OQO Qarjy basqarmasynyń bas mamany.