QR Premer-Mınıstri Baqytjan Saǵyntaev soltústik qazaqstandyq «Zenchenko jáne K» kópbeıindi agrarlyq kásipornynyń jumysymen tanysty, onda memlekettik qoldaý sharalary, sonymen qatar AО́K damytý memlekettik baǵdarlamasy aıasynda aýyl sharýashylyǵy ónimderin óndirý boıynsha jobalar iske asyrylǵan, dep habarlaıdy primeminister.kz.
Seriktestik dırektory G. Zenchenko Baqytjan Saǵyntaevqa aýyl sharýashylyǵynda qoldanylatyn tehnologııalar men shyǵarylatyn ónimderdiń túrleri týraly baıandady. Aýyl sharýashylyǵy qurylymynyń jalpy egindik alqaby- 26,6 myń ga-ǵa jýyq. Dándi daqyldarmen qatar maıly daqyldar, kartop jáne mal azyǵy daqyldary egiledi. Budan ózge, munda mal sharýashylyǵy men sút ónimderin óndirýmen de aınalysady. Seriktestikte ónimderdiń básekege qabilettiligin arttyrý men kásiporynnyń ónimdiligin ulǵaıtý sharalary júzege asyrylǵan. О́ndiristik úderister avtomattandyrylǵan, aldyńǵy qatarly tehnologııalar engizilýde, qajetti mıneraldy tyńaıtqyshtar men sapaly tuqymdar qoldanylady.