Astanada qazaq teatryn salý josparlanyp otyr. Bul týraly Astana ákimdigi baspasóz qyzmetiniń jetekshisi Elvıra Júrgenbaeva Facebook jelisindegi paraqshasynda jazdy.
"Elordamyzda qazaq teatry salynbaq. Bul Astana qalasy ákimdiginiń Elbasy jarııalaǵan "Bolashaqqa baǵdar: Rýxanı jańǵyrý" maqalasyn iske asyrýdaǵy jobalarynyń biri ǵana", dep jazdy ol.
Astana ákimdigi baspasóz qyzmeti jetekshisiniń aıýynsha, qala basshysy Áset Isekeshev jańa teatrdy jobalaýdy tapsyrǵan.
Esterińizge sala ketsek, 2013 jyldyń maýsymynda Qazaqstan prezıdenti "Astana Opera" teatryn ashqan bolatyn. Al 2016 jyly Astanada "Astana Balet" teatry ashylǵan edi.