Ońtústik Koreıa Qazaqstanmen jasandy ıntellekt salasyndaǵy tájirıbesimen bólisip, maman daıarlaýǵa qoldaý kórsetpek, dep jazady Egemen.kz.
Seýl qalasynda Koreıanyń ulttyq jasandy ıntellekt zertteý ortalyǵy men elimizdiń «Azamattarǵa arnalǵan úkimet» memlekettik korporasııasynyń basshylary tıisti memorandýmǵa qol qoıdy. Atalǵan qujat eki el arasyndaǵy yntymaqtastyqty nyǵaıtyp, ozyq tehnologııalardy engizý men kadrlyq áleýetti damytýǵa baǵyttalǵan.
Aıta keteıik, eki uıym arasyndaǵy áriptestik ótken jyly bastalǵan. Sol kezde koreıalyq delegasııa Qazaqstanǵa kelip, Astana qalasyndaǵy halyqqa qyzmet kórsetý ortalyqtaryndaǵy memlekettik qyzmetterdi sıfrlandyrý jáne avtomattandyrý úderisterimen tanysty.
JI jáne memlekettik qyzmetter: AlemGPT servısiniń múmkindikteri qandaı?
Al qazaqstandyq delegasııanyń Ońtústik Koreıaǵa sapary barysynda olarǵa Ulttyq jasandy ıntellekt zertteý ortalyǵy men Seýldegi jasandy ıntellekt jáne «aqyldy qala» ortalyǵynyń jumysy tanystyryldy.
«Azamattarǵa arnalǵan úkimet» memlekettik korporasııasy basqarma tóraǵasy Arman Kenjeǵalıevtiń aıtýynsha, qol qoıylǵan memorandým jasandy ıntellektini damytý baǵytyndaǵy ózara yqpaldastyqty arttyrýdy kózdeıdi. Onyń ishinde tájirıbe almasý, AI-sheshimderdi engizý jáne sala mamandaryn daıarlaý máseleleri qamtylǵan.
JI agentteriniń járdemi
Sonymen birge Qazaqstanda jasandy ıntellekt tehnologııalaryn engizý jumystary qazirdiń ózinde qarqyndy júrgizilip jatyr. Máselen, 1414 biryńǵaı baılanys ortalyǵynda AI-keńesshi jumys isteıdi. Qazirgi tańda ol árbir besinshi qońyraýdy derbes túrde óńdeýge qabiletti.
JI kómegimen jańarǵan mura: Ejelgi petroglıfter kórmege qoıylady