Soltústik Qazaqstan oblysyna jumys sapary aıasynda QR Premer-Mınıstri Baqytjan Saǵyntaev «Petropavl» Halyqaralyq áýejaıyn jóndeý barysymen jáne onyń tranzıttik áleýetin damytý perspektıvalarymen tanysty, dep habarlaıdy primeminister.kz.
Oblys ákiminiń orynbasary A. Fedıaev áýejaı termınalynyń ǵımaraty men ushý-qoný jolaǵynyń jóndeýden ótkenin, bul áýe kemeleriniń kez kelgen túrin qabyldaýǵa múmkindik beretinin baıandady. Budan ózge, áýejaı perronyn keńeıtý jáne kirme joldy jóndeý josparlanǵan.
Petropavl áýejaıyn jóndeý Reseı Federasııasynyń Qorǵan, Túmen jáne Omby oblystarymen shekaralas Soltústik Qazaqstan oblysynyń tranzıttik áleýetin tıimdirek paıdalanýǵa múmkindik beredi.
Áýejaı basshylyǵy turaqty jolaýshylar áýe reısteriniń sanyn arttyrý perspektıvalaryn, tranzıttik reıster men júk áýe tasymaldaryna qyzmet kórsetý múmkindigin qarastyrýda.