«Bul – kóshe shamdary. Ol energııany 50 paıyzǵa deıin únemdeýge múmkindik beredi. Sondaı-aq, jaryqty 30 paıyzǵa artyq bóledi. Shamnyń qýattylyǵy – 150, 250, 400, al kishkentaıy – 70 vatt. Energııa únemdegish shamdar energııany kún panelderi ornatylǵan elektr stansasynan alady. Al elektr stansasy kóshe shamdaryna jaqyn aýmaqta ornalasady. Qazirgi tańda Malaızııa bul ónimin Avstralııaǵa sata bastady», deıdi pavılon tanystyrýshylary.
Pavılondaǵy «aqyldy esepteýishter» de nazar aýdartady. Bul qural arqyly energııa tasymaldaýshy kompanııa páter men úıdegi qýattyń kórsetkishin arnaıy baǵdarlama arqyly jumys ornynda baqylaı alady. «Aqyldy esepteýishtiń» ishine GSM júıesi ornatylǵan. Buryn qyzmetkerler páterler men úılerdi aralap, esepteýishtegi energııanyń kórsetkishin jazyp júretin. Al qazir bul jaǵdaı umytylýda. Mysaly, atalǵan qural arqyly elektr energııasyn tasymaldaıtyn kompanııanyń qyzmetkeri jumysynda otyryp-aq, páterler men úıdegi elektr energııasynyń kórsetkishin baqylaı alady. Sondaı-aq, sizdiń esepteýishińizge bóten bireý qosylyp, energııany sizden urlaı almaıdy», deıdi qyzmetkerler.