Keshe Úkimet úıinde Premer-Mınıstr Baqytjan Saǵyntaev Kanadanyń Qazaqstan Respýblıkasyndaǵy Tótenshe jáne ókiletti elshisi Shon Staılmen kezdesý ótkizdi, dep habarlady Premer-Mınıstrdiń baspasóz qyzmeti.
Taraptar kezdesý barysynda ekijaqty yntymaqtastyqtyń kóptegen máselelerin, solardyń ishinde, iskerlik seriktestikti odan ári damytý, Qazaqstan-Kanada Iskerlik keńesin ótkizý, saýda-ınvestısııalyq baılanystardy nyǵaıtý men ártaraptandyrý, sondaı-aq, mádenı-gýmanıtarlyq qatynastardy nyǵaıtý máselelerin talqylady.
Budan ózge, vızalyq rejimdi jeńildetý, ózara týrıster aǵynyn ulǵaıtý jáne qazaqstandyq balalardy hokkeıge úıretýdiń qazaqstandyq-kanadalyq qanatqaqty baǵdarlamasyn iske asyrý máseleleri talqylandy.