Minsiz qazaqstandyq klıent naryqtaǵy bank ónimderi týraly derekpen tanysyp otyrady, qarjylyq saýattylyǵyn arttyrýǵa tyrysady, bolashaqqa dep aqsha jınaıdy jáne qaryzdy qaıtarýǵa qatysty óz jaýapkershiligin tolyq sezinedi. Bank qyzmetterin paıdalanýshy klıenttiń portretine qatysty zertteý júrgizgen Bank Hoým Kredıt sarapshylary osyndaı qorytyndyǵa kelip otyr.
Joba nátıjeleri 22 shilde kúni Astanada álemniń 11 elinde qyzmetin usynatyn Halyqaralyq Hoým Kredıt tobynyń jıyrma jyldyǵyna oraı uıymdastyrylǵan shara aıasynda tanystyryldy. Kezdesýge Astananyń aldyńǵy qatarly BAQ ókilderi men trendsetterler keldi. Jýrnalıster men blogerlerge arnap arnaıy qarjylyq saýattylyq boıynsha semınar, «Aqsha aǵyny» qarjy transformasııalyq oıyny uıymdastyryldy. Sonymen qatar bólimshege kelgen ár qonaq bank basshylyǵymen tanysyp, keńes alyp, jeke qarjy, bank ónimderin durys tańdaý týraly suraqtar qoıa alatyn ashyq esik kúni de ótti.
Qarjylyq saýattylyq jobasynyń aıasynda bank sarapshylary bank qyzmetterin paıdalanatyn minsiz qazaqstandyq tutynýshynyń negizgi erekshelikterin anyqtady. Ol úshin uıym ókilderi halyq arasynda júrgizilgen saýalnama nátıjeleri men 2005-2017 jyldar aralyǵyndaǵy banktiń negizgi qarjylyq kórsetkishterin saralap shyqqan.
Sarapshylardyń málimetteri boıynsha, bank qyzmetterin paıdalanatyn minsiz qazaqstandyq tutynýshy – qaryzdy qaıtarý týraly óz jaýapkershiligin tolyq túsinetin adam. Ol nesıe kelisim-shartyn muqııat oqıdy, túsinbegen nemese qujattan tappaǵan máseleler boıynsha nesıe keńesshisine suraqtar qoıady. Sondaı-aq minsiz tutynýshy naryqtaǵy bank ónimderin zerttep, zerdelep otyrady, túrli usynystardy qarastyrady, ózine keregin tańdaı alady jáne qarjylyq saýattylyǵyn arttyrýǵa tyrysady. Qarjylyq saýattylyq baǵdarlamasy bastalǵaly beri semınarlarǵa qatysqysy keletin jandardyń sany 3 ese, kezdesý barysynda talqylanatyn taqyryptar qatary 4 ese artqan. Qatysýshylardyń 99%-y sharalardyń asa paıdaly bolǵanyn, otbasyndaǵy qarjylyq jaǵdaıdy jaqsy jaqqa ózgertýge yqpal etkenin aıtady.
Qarjylyq saýattylyq boıynsha sharalarǵa qatysýshylardyń 55%-y kúndelikti shyǵyndaryn jazyp otyrýdy, jeke jáne otbasylyq bıýdjetti josparlaýdy qolǵa alǵandaryn jetkizdi. Semınarlarda bolǵandardyń 90%-dan astamy aqsha jınaýdy bastaǵan. Olar úshin qarjy turǵysynan tártipke kelip, nesıeni qaıtarýǵa jaýapkershilikpen qaraý mańyzǵa ıe bolǵan.
Sonymen qatar minsiz bank tutynýshysy bolashaqqa qarajat jınaýdy qolǵa alady eken. 2016-2017 jyldary Bank Hoým Kredıttiń depozıtin paıdalanǵan klıentter sany 2014 jylmen salystyrǵanda 3 ese ósipti.
Minsiz klıenttiń mysaly retinde Hoým Kredıt bankiniń usynǵan qyzmetin 10 jyldan astam ýaqyt boıy paıdalanyp kele jatqan astanalyq tutynýshylar kezdesýge shaqyryldy.
«12 jyl ishinde bankpen arada tyǵyz, oń nıetti baılanys ornady. Sapaly servıs pen yńǵaıly qarjy qyzmetteri úshin men bankke tek alǵys aıta alamyn», - deıdi osyndaı klıentterdiń biri Janat Qarabaev.
Taǵy bir bank tutynýshysy Sabıra Shapolaevanyń sózine qaraǵanda, qaryzdy qaıtarý jaýapkershiligin túsiný jáne aqsha bıýdjetin baǵalaı bilý – tabysty adamnyń eń basty qasıetteriniń biri.
«Men bank ónimderin árdaıym tolyq zertteýge, óz bıýdjetimdi aldyn-ala josparlaýǵa, osydan keıin baryp nesıe alý-almaý týraly sheshimdi qabyldaýǵa tyrysamyn. Bul rette Bank Hoým Kredıttiń kómegi kóp-aq, sebebi bul bank – naryqta zeınet jasyndaǵy adamdarǵa qaryz beretin jalǵyz uıym», - deıdi Astana turǵyny.
«Biz maqsat-qalaýyma qol jetkizsem, ómirimdi jaqsartsam deıtin jandarǵa kómekteskimiz keledi. 20 jyl ishinde shaǵyn ǵana komandadan úsh qurlyqta 300 myńnan astam saýda núktesi bar iri uıymǵa aınala aldyq. Búgingi kúni Topta álemniń 11 eli boıynsha 135 myńnan astam qyzmetker jumys isteıdi, al klıentter sany 75 mıllıonǵa jetti. Turaqty jáne qarqyndy damý, klıentterimizdiń adaldyǵy, tabysty bıznes-model Hoým Kredıtke álemdik aýqymdaǵy tutynýshylyq nesıelendirýdiń kóshbasshylarynyń birine aınalýǵa múmkindik berdi»,- dedi Hoým Kredıt tobynyń PR-qyzmetiniń basshysy Mılan Tomanek.