Memlekettik hatshynyń aıtýynsha, «Bolashaq» prezıdenttik stıpendııasy Qazaqstannyń úshinshi jańǵyrýy basymdyqtarynyń biri bolyp tabylatyn adamı kapıtal sapasyn jaqsartýdaǵy róli aıryqsha. Sondaı-aq, Gúlshara Ábdiqalyqova kadrlardy sapaly daıarlaý jáne bilim júıesindegi ozyq býyn retinde «Bolashaq» túlekteriniń áleýetin paıdalaný jónindegi jumysty kúsheıtý qajettiligine toqtaldy.
Otyrys barysynda Bilim jáne ǵylym mınıstri Erlan Saǵadıevtiń shetelde kadrlar daıarlaýǵa qatysty respýblıkalyq komıssııasynyń hattamalyq sheshimderiniń oryndalý barysy týraly esebi tyńdaldy. Sonymen qatar, «Bolashaq» baǵdarlamasyn iske asyrýǵa qatysty birqatar máseleler qaraldy.
Komıssııa sheshimimen magıstratýra jáne doktorantýra boıynsha jáne álemniń jetekshi ǵylymı ortalyqtarynda taǵylymdamadan ótýge laıyq úmitkerlerge stıpendııa taǵaıyndaldy.
Otyrysty qorytyndylaı kele Memlekettik hatshy Gúlshara Ábdiqalyqova «Bolashaq» halyqaralyq stıpendııasyn iske asyrý tetikterin odan ári jetildirý jáne tıimdiligi arttyrý boıynsha birqatar tapsyrmalar berdi.
«Bolashaq» stıpendııasy 1993 jyly Elbasy Nursultan Nazarbaevtyń tikeleı buıryǵymen taǵaıyndalǵan bolatyn. Sodan beri atalǵan baǵdarlama arqasynda alys jáne jaqyn shetelde 12 myńnan astam shákirt «ınemen qudyq qazyp», bilim jınap qaıtty. Búginge deıin álemniń 35 elindegi 170 úzdik joǵarǵy oqý ordasy Alash órenderin bilim nárimen sýsyndatty. 2015 jyldan bastap aǵylshyn tilin Qazaqstanda oqytýdy kózdeıtin «6+6» tildik daıarlaýdyń jańa modeli iske qosyldy. Magıstratýra jáne doktorantýra baǵyty aıasy keńeıdi.
Foto: el.kz